الموضوع بقى فعلا يقرف و يغيظ ويخلي الواحد يفكر... الناس دي هتفضل متحترمش خصوصية الغير و بالرغم من كده تتكلم عن الخصوصية.. وكذلك عدم إحترام حقوق الغير في الملكية... تناقض غريب قوي
إيتيكيت الإنترنت لمن لا يعرف
1- متكتبش بخط كبير وخصوصا لو كان باللغة الإنجليزية لأن الفونت الكبير أو الحروف الكابيتال تعني الصراخ وطبعا ده يعد قلة ذوق
2- لا تضع إيميلك في كل موضوع و بوست تكتبه فهو يدل على أنك كما نقول نحن المصريين (محدث نعمة) وأكيد متحبش يتقال عليك كده
3- لا تكتب بألوان فاتحة قوي على خلفيةفاتحةة أو العكس أو تستخدم ألوان عاملة كونتراست جامد زي أبيض على خلفية سوداء، طبعا من حقك إستخدام ألوانك الخاصة و الشعور بالتميز لكن مش على حساب عيون القارئين لموضوعاتك
4- دي بقى نقطة مهمة جدا.... لا تستخدم أي مادة كتبها غيرك أو حتى صورة إلا بعد إذن صاحبها أو الإشارة إلى المصدر حتى لو كانت مأخوذة من الإنترنت لأنك أكيد متحبش يتعمل معاك كده وده يدل على الذوق الرفيع (الإستئذان) مادام ما ستأخذه ليس مفتوح المصدر (زي البنات متحبش تلاقي واحدة مقلدة فستانها و بتدعي إنه من تصميمها) ... وخاصة لما يكون هذا الشخص يتواجد معك في نفس المجتمع الذي تنتمي ليه
إيتيكيت الإنترنت لمن لا يعرف
1- متكتبش بخط كبير وخصوصا لو كان باللغة الإنجليزية لأن الفونت الكبير أو الحروف الكابيتال تعني الصراخ وطبعا ده يعد قلة ذوق
2- لا تضع إيميلك في كل موضوع و بوست تكتبه فهو يدل على أنك كما نقول نحن المصريين (محدث نعمة) وأكيد متحبش يتقال عليك كده
3- لا تكتب بألوان فاتحة قوي على خلفيةفاتحةة أو العكس أو تستخدم ألوان عاملة كونتراست جامد زي أبيض على خلفية سوداء، طبعا من حقك إستخدام ألوانك الخاصة و الشعور بالتميز لكن مش على حساب عيون القارئين لموضوعاتك
4- دي بقى نقطة مهمة جدا.... لا تستخدم أي مادة كتبها غيرك أو حتى صورة إلا بعد إذن صاحبها أو الإشارة إلى المصدر حتى لو كانت مأخوذة من الإنترنت لأنك أكيد متحبش يتعمل معاك كده وده يدل على الذوق الرفيع (الإستئذان) مادام ما ستأخذه ليس مفتوح المصدر (زي البنات متحبش تلاقي واحدة مقلدة فستانها و بتدعي إنه من تصميمها) ... وخاصة لما يكون هذا الشخص يتواجد معك في نفس المجتمع الذي تنتمي ليه
12 comments:
العزيزة جدا me2
انا فعلا شوفت اللوجو بتاعك عند حد تانى واعتقد ان اللى عملت كدة مكنش قصدها السرقة يمكن كانت شايفه ان الصورة مناسبة لشخصياتها وانا لو منك اعمل خطوة ايجابية واروحلها البلوج بتاعها والغى التدوينة القاسية دية وبادبك المعهود ومن غير قسوة الفت انتباها ان اللوجو صحيح ممكن اى حد ينزلة لكن بما انك استعملتية قبلها يبقى من الاحسن انها تشوف واحد تانى ـ وسواء هيا استجابت او مستجبتش تبقى انت عملت الخطوة الايجابية وهى الدفاع عن حق ليكى وانا اقترح عدم تغيير اللوجو بتاعك والتمسك بية لان دة ممكن يحصل مرة تانية وهل حتفضلى تغيرى لوجو ورا لوجو ؟ لك تحياتى
فعلا كان بوست قاسي و تم تغييره بس العملية إتكررت كتير ومبقاش حد بيحترم حقوق حد لدرجة تحرق الدم
حرمت اكتب بوست وأنا غضبانة تاني
شكرا جدو
اختياري للوجو وللاسم جزء من شخصيتي .. صحيح اللوجوهات موجودة في أماكن كتير ، بس دة عامل زي البصمة ، اللي بتدل على صاحب اللوجو .. لما بأشوف الصورة بتاعتك (وهي من أفضل اللوجوهات اللي شفتها على الإطلاق منذ دخولي الكار) باعرف إن مي 2 بتعلق على موضوع ما .. ونفس الشيء مثلاً مع زملاء بيستخدموا اللوجوهات زي بنت مصرية وابن عبد العزيز وولاء ..
أنا شخصياً لو مكانك مش ح أغير اللوجو..
دي مسألة بترجع للشخص
أتمنى إن التذكرة بأهمية حقوق الآخرين تفيد
**
فيه أسوأ من كده إن ناس تنقل أشعار وقصص آخرين وتنسبها لنفسها .
:(
اه والله
بس مين يعمل بالكلام دة
قرأتى آخر بوست عن غادة
هى كمان اتاخد من عندها للمصرى اليوم من غير علمها
ممم صحيح، كنت عايزة ايميلك فى شئ خصوصى شوية
ممكن تراسلينى؟ الايميل بتاعى تلاقيه عندى ع البلوج
مستنياكى
:)
قلم جاف:
هو فعلا زي البصمة و خصوصا لما تدوخ على واحد علشان تحس إنك مقتنع بيه وبيعبر عن نفسك... طب أنا غيرته و رجعته لكن إحساسي إنه عند حد تاني مضايقني قوي
عبدو باشا:
والله حصلتلي بس مش في أشعار وقصص :( وده اللي خلاني أساسا أقفل المدونة التانية
للأسف معندناش إحترام لغيرنا وده من أسباب تخلفنا القوية
و إن شاء الله هابعتلك إيميل
كويس انها حصلت معاكي في صورة أمال باه لو حصل معاكي في مقالة أو بوست او قصة
أخوكي إتهرى من الحكاية دي
يامي براحه شويه انتي داخله شمال في الناس ليه كده ممكن يكون مفيش حد يعرف لغه الانترنت
اما موضوع الاقتباس فانا معاكي جدا وعندك حق لا ن الواحد اتخنق
إيتيكيت الإنترنت لمن لا يعرف
1- متكتبش بخط كبير وخصوصا لو كان باللغة الإنجليزية لأن الفونت الكبير أو الحروف الكابيتال تعني الصراخ وطبعا ده يعد قلة ذوق
معلهش انا اول مره اتصفح فيها مدونتك لو كان فيها قله ذوق ممكن اطلب منك انك تكتبى بخط كبير شويه يعنى لازم تراعى شويه ان فيه ناس نظرهم بيرهقهم لما يلاقى الكلام مكتوب بحروف منمنمه ويضطر انه يغادر المدونه من غير ما يقرأ
وانا معاك ان الاقتباس من غير اذن مش عيب بس لكن سرقه كمان ان واحد ياخد مجهودك وينسبه لنفسهمن غير احم ولا دستور
اما بالنسبه للوجو فمن الممكن ان يكون الموضوع من غير قصد ويكون بالفعل عجب الشخص الثانى وضافه لنفسه من غير ما يقصد سرقه او خلافه المهم انك تتفهمى الامر من الشخص نفسه بدون زعل ونرفزه
أحمد شقير
محمد مفيد
شيرو
شكرا لمروركم
لو كنتوا قريتوا البوست فبل التعديل هتعرفوا إن ده بوست لطيف قوي بالنسباله
إتسرقلي موضوعات بردو بس مش هنا
الصورة في بلوجر زي التوقيع مينفعش بكون فيه إتنين بتوقيع واحد و من حق كل واحد مننا إنه يتميز بتوقيعه
وبالنسبة لإم الصورة ممكن تكون عجبتها فمتهيألي فيه مليون صورة تانية كان ممكن تعجبها محبكتش يعني
بالنسبة للفونت أنا بكتب بفونت مناسب و خاصة إني لابسة نظارة بعني نظري مش 6/6
ماشى يا ستى انا مش ها اتعبك بتكبير البنط و ها اعدل الرزليوشن بتاع الشاشه
على فكره انا معرفش مين اللى نشل منك اللوجو بتاعك لكن حبيت اوضح انه ممكن يكون سوء تفاهم بدون قصد وممكن يتحل لكن ما اعرفش ايه ابعاد الموضوع , وبعدين احمدى ربنا اللى حصلك ما جيش حاجه حنب اللى حصل للمدونه غاده اللى اتسرق منها جميع اعمالها ومجهودها اللى تعبت فيه سنين وواحد تانى عمل بيه مدونه بنفس اسم غاده ونفس اللوجو وبيسبب ليها مشاكل لما بيخش يعلق بكلام سخيف والناس يفتكروا انها هى يعنى من الاخر انتحال شخصيه باسلوب متقن للغايه, يعنى لازم تعترفى ان عالم البلوجرز مش عالم افتراضى وتخيلى زى الناس ما فاكرين ,هو نفسه العالم الواقعى اللى احنا عايشينه
,ومعلهش خللى نفسك طويل
عمري ما إعتبرت الإنترنت عالم مثالي بل بالعكس
و صدمتي مش لأني مكنتش بتوقع شيء زي ده
بس مكنتش متخيلة قد إيه سهل نتكلم كلام كتير و ندعي المثالية و نبقى كمان زعماء (في الإنترنت طبعا) و مبنطبقش أبسط القواعد اللي بنادي بيها
Post a Comment