كل شوية بحن أرجع للتدوين لكني اكتشفت انه مش لعبتي
وخصوصا لما براجع تدويناتي القديمة و بفاجأ بكم الأخطاء الإملائية و تراكيب الجمل العجيبة!!
أنا عارفة اني لما كنت بكتب كنت بكتب من واقع موقف او احساس وقتي .. لكن صدمتي في نفسي كبيرة لما أقرأ هذا الكم من الأخطاء في كتاباتي .. و تراكيب الجمل بجد حاجة مخجلة ... بس عادي يعني أنا كنت أساسا فاشلة في كتابة موضوعات التعبير منذ طفولتي :)
ما علينا... أتمنى يكون المجتمع التدويني بخير
جوايا كلام كتير و اكتئاب أكبر... الدنيا مبقتش الدنيا ... و الناس مبقوش الناس
البلد تحولت لغابة كل واحد بيدور على "ما يدعي" انه حقه قبل ما يشوف هو بيدي الناس حقها الأول ولا لأ.. و اللي يطول يهبش حاجة بيهبشها.... كله كوم و حالة الغوغائية التي أصيب بها الشباب المتعلم قبل الجاهل كوم تاني
أنا بجد خايفة على أولادي و مش عارفة أحميهم ازاي... من انحدار الأخلاق.. أو هشاشة المظهر الديني!!! .. أو التنطع الديني .... أو التبجح بإسم الحرية ..... أو أو أو ......
كنتوا زعلانين من نظام مبارك....................
يا ريته يرجع تاني ................
