حالنا يحزِّن... ولا عزاء لدين ولا لأصول

قرأت الموضوع ده لبلو روز و سرحت بعدها أفتكر كل المواقف والأخلاقيات اللي بقيت بشوفها من المصريين رجالة وحتى الستات

*********

وأنا مع جوزي في العربية.. ييجي واحد و يكلمه (في محطة البنزين مثلا) ميكلموش إلا من الشباك اللي جنبي... بس علشان ياخد لقطة لأي ست قاعدة... بتحصل بردو إن أي عربية تعدي جنب أي عربية في الشارع كل اللي فيها لازم يبصوا على الست اللي قاعدة

أي واحدة تمشي في الشارع ممكن واحد محترم جدا يخبط فيها لأن سيادته ماشي يشوح بإيده و في الآخر يبص ليها بتعجب هي مستنكرة ليه و هو حصل إيه يعني... ده بفرض إن الموضوع اساسا صدفة

زمان كان اللي يقف في شباك بيتهم يبص على بنت الجيران و هي بتنشر الغسيل يتجرَّس... دلوقتي عادي جدا تلاقي واحد طالع مخصوص على السطح علشان يتفرج على الستات جوه بيوتها... ولا مانع من تصويرهم بالكاميرا كمان ولو جوزها وقفله في الشباك ولا التراس المحترم هيبص بكل بجاحة و يقوله ... فيه (عاجة)!!!!!

إمبارح و إحنا بنشتري طلبات البيت لقينا الناس ماشية في السوبر ماركت زي ما بتمشي في الشارع بالضبط... يعني لو واقفين في مكان لازم يسدوه حتى لو يعدي عشرة و أنا واقفة ببص على حاجة و سايبه المكان جنبي فاضي يعدي الناس مع العلم إن الممر لاتنين لقيت واحدة بتزقني أنا و الكارت و بتقولي... (وسعي كده) ولا عزاء للذوق

اللذيذ إن الشعب المصري دايما بيتبع سياسة أبو بلاش كتر منه يعني بالرغم إن الكارت فيها كرسي للأطفال لكن ميمنعش ياخدولهم إتنين أو ثلاثة علشان الأولاد يجروا بيهم يمين و شمال و مش مشكلة يخبطوا في مين... كل رد الفعل الوحيد بيبقى... تعالي هنا يا حمادة متبعدش عني .. ولا حد يسمع آسفه ولا عيب يا ولد

زمان كان الشعب المصري معتز بثقافته و دينه جدا.... روح أي مول ولا في الشارع حتى هتتغير فكرتك 180 درجة .... ياللا يا (ضارلنج) نتصور إحنا و(الكيضظ) مع (صانتاكلوظ) ... جملة سمعتها في كارفور!!!!

في أو تي في ... بيعرضوا فيلم أميريكان باي وده للي مسمعش عنه فيلم أثار ضجة يوم ما نزل في أمريكا و تصنيفه إنه يحتوي على مشاهد و ألفاظ جنسية بشكل غير طبيعي.... بعدها بكام يوم كان ديفيلز أفوكاتو و فيه لقطة شهيرة ينطبق عليها التصنيف السابق... و بينهم حلقة لتعليم الرقص الشرقي للستات... و كمان لقطات من حياة المشخصاتي (تامر هجرس اللي مش عارفه هما لازقين فيه ليه في كل خبر) و هو بيعوم في البيسين
وكلام كتير عن إن دي سياسة القناة إنها تخاطب الشباب المتوسط!!!!! بلغتهم
أعتقد كمان إن هالة سرحان هتشرف القناة دي برئاستها... لأنها الاولى في هذا المضمار (مجرد توقع) ومتأكده إنه قريب هنلاقي أفلام بورنو بحته بتعرض في القناة دي اللي لا ليها دين ولا مله و ده بمناسبة ... العروسة إياها أم 3000 دولار

زمان كانت والدتي بتقول المشاكل اللي بينك و بين جوزك متطلعش بره أودة النوم
قرأت مدونتين بالنسبة ليا جداد مدونة طهقان و مدونة طهقانة
ممكن تكون الفكرة بالنسبة للبعض لذيذة... بالنسبة لي ده تجاوز للخط الأحمر.. تطورت الأمور لإن الجيران دلوقتي بقوا بيشاركوا المتزوجين مشاكلهم... و المدونتين دول هما التطور الطبيعي للحاجة الساقعة على رأي الإعلان.... يشبه المدونات دي تماما الموضوع اللي كانت واحدة بتكتبه كل أسبوع على موقع عشرينات
(أنا هاوريك يابن الك...... يا خ..... يا م....) جملة سمعت جارتنا (اللي من بحري و إتجوزت رجل أعمال ليبي) بتقولها لجوزها من كام يوم و هما بيتخانقوا ... تمت كتابتها مع الحذف من الرقابة
ولا عزاء للأصول

كلام غريب!!!!!

ورد لي بالإيميل ما يلي
الموضوع بصراحة غريب قوي و مش مفهوم بالنسبة ليا

welcome non-married men world wide to the global event.. now we can do it just like we want in the right way from the book.. try to collect what ever you own meanwhile for the long term honey mooners trip around ..practise your mind and body well... tents , fishing, hunting,horsing,boating,diving, along with ur next well bread brides.. just like @ paradise
our basic life will be in (((4 wifes))) between 8:40 years old
you will choose them after they did...
that is every`s male share least for paradise..
don`t worry about cost .. we will handel it easly together
if you understand it is must ...
when we reach the number 20000 non-married men....
we will meet all together
first meeting : egypt- north sinai- arish - sea side - old train.st
we hope we will start early summer
kindly send to all frnds...
***********************
note: we ordered to fight satan to back to paradise by this
note: we are sending to all countries
note: sisters ... it is all for your happyness forever pls assist
no - married females join the below link pls
note: more ((7 tourleaders ))are needed with me
note: we will learn the language of the everlasting life the most expressive tounge that called arabic
note: we will learn what is it all about
note: we will learn what is creatures rights
note: we are all as aadams brothers and sisters
note: we love babies that much
note: we ... forever

may allah reward you for teaching us

Our daily ACTS from our BOOK while travilling

1/ sunset & evening shorten salah(( prayers))

2/ a lecture

3/ dinner

4/ praivacy ((intercourse) )

5/ light walk

6/ midnight sleep

7/ privacy

8/ dawn salat

9/ breakfast

10/ a lecture

11/ walk (( fishing & hunting ))

12/ rest

13/ preparing

14/ noon & afternoon shorten salat

15/ lunch

16/ privacy

17/ siesta

18/ leasure time

19/ a walk

I'm Speechless

من كام يوم بفكر في اللي حصل في وسط البلد ... و الحقيقة مش عارفة أقول إيه وخاصة إن المصدر الوحيد للمعلومة مازال مدونة مالك... مش قصدي أشكك في كلامه لكن كل موقف ممكن يتحكي بكذا طريقة فكل يرى الحدث بطريقته وبشكل يختلف تماما عن الآخرين حسب الخلفيات الثقافية و الدينية و الإجتماعية للراوي و لا نستطيع إنكار فكرة تدخل العقل بزيادة أو نقصان من الأحداث مهما توخى الراوي الحذر... فمازلنا كلنا بشر لا أستطيع أن ألوم طرف معين في الموضوع

فلنحلل عناصر الموقف معا توجد عدة أطراف:
مجرم = الشباب المتواجدون في قلب الحدث
ضحية = الفتيات اللائي (ساقتهن الظروف) للتواجد هناك
شهود = من رأوا الحدث من بعيد أو قريب و لم يكونوا طرفا من الإثنين السابقين
متفرجون = و هم الأطراف التي حضرت الواقعة و لم تتدخل من قريب أو بعيد
قضاة = الناس و نحن منهم الذين لم يتواجدوا في المكان و إنما يحكمون على الوضع طبقا للروايات المحكية
مسئولين = الطرف المتسبب في هذا الوضع

المجرم أو المجرمون
من هو المجرم هنا... هل هم أخواتنا أو آبائنا أو أبنائنا أو أقارب لنا أو جيراننا؟؟؟ لو كانوا أحد هؤلاء... هل وصلوا لهذا التردي بدون سبب (لله في لله) أم هم تحت تأثير ظروف معينة هل يعد هذا الحدث فرديا بمعنى أنه لا يتكرر يوميا؟؟؟ سنقول أن من يمتون لنا بصلة ما لا يمكن أن يتواجدوا في هذا الوضع إذن فمن الفاعل... هل هم مجرد غرباء... شباب ضائعين لم يجدوا يمن يعلمهم و يأدبهم... هل هم نوعية معينة من البشر... هل هم حثالة البشر هل تلوم على شاب شاهد إحدى القنوات الفضائية و أعطاه أحد أصدقائه حبة ما ليشعر بالنشوة و بعدها لم يدري ماذا فعل وأصدقائه يعانون من نفس الوضع و جميعهم يتشاركون الخيالات مع بعضهم فتتفجر الأمور لتصل في النهاية إلى هذا الحد السارق... هل يسرق لمجرد السرقة أم يسرق ليأكل؟؟؟ و بعد ذلك أصبحت عادة ولا يجد من يحتويه ليتوقف فقط للتذكير... أطفال في أعمار بين السادسة و العاشرة لا يتوانون عن مد الأيادي على شابات بل و أمهات في الشارع!!!!!!

الضحية.. الفتيات
طبعا كان الله في عونهم بداية لكن لازم أسأل.. متى بدأ هذا الوضع... من الحكايه و إسلوبها فهمت إن عدد المتواجدات في الشارع لم يكن كبيرا بعكس الشباب حد يقولي هل ده كان اول عيد ولا آخر عيد... بمعنى كثير منا نحن الفتيات تعلمنا بمرور الوقت (وبدون أسباب إضطرارية) أن الخروج في أوقات الزحام كالأعياد و المظاهرات ليس بالتوقيت المناسب.... التأخر في الشارع أيضا ممكن يعطي إنطباعا سيئا عنا و يترك المجال لضعاف النفوس لتخطي الحدود؟ ستذكروني بوجود منتقبات... و أنا أرد هي بقت تفرق بمعنى ليست كل المنتقبات ترتدي النقاب بإرادتها و ليس كلهن يعملن بما قال الكتاب و من الآخر منتقبة أو لا مش هتفرق مع واحد حشاش... بل أحيانا الغطاء الكامل يكون أكثر إثارة للخيال من الآخر محدش يتجنن و يخرج في العيد فمابالكم بالتواجد في وسط البلد مهما كانت الأسباب و ليه منرجعش للأصل و الأصل هو دينا... واللي مقالش نحتفل بالعيد بالخروج... منخلينا في البيت ولو خرجنا نحاول نعمل اللي علينا و نتواجد في مكان مناسب ... ولا إيه؟

الشهود
مش عايزة أشكك كما قلت في البداية في مالك أو غيره... لكن مش معقول إن اللي حصل ده كان أول مره يحص و بردو من الآخر ما حدث في وسط البلد يحدث كل مناسبة في مدن المحافظات الأخرى مثلا حيث يتواجد أهل الريف في المدينة بشكل يصعب فيه الحركة و تمتد الأيادي بدون أن يرى أحد الفاعل.... فالشارع زحام و تستاهل اللي يجرالها من تخرج في وسط هذه الغوغاء ليه بتستغربوا عدم تدخل الأمن... فعليا ليس مصرح للقائم بالحراسة أن يترك مكان حراسته ليتدخل في وضع آخر بدون تكليف من رتبه تفوقه... معاكم إن ده هبل ولكن هذا نظام حكومتنا فأي مجند يخالف الأوامر يتم جزائه و ألف مين يتطوع ليبلغ علشان يكسب كريديت لصالحه يستخدمه وقت الحاجة أنتم قمتم بما املاكم عليه ضميركم و لكن لتواجدكم في هذا المكان بالذات وقت حدوث هذه الوقائع و معرفتكم بأمور التدوين نقلتم الأخبار... أصحاب المحلات ذكروا أن هذه الوقائع تتكرر كل سنه... مين الغلطان هنا؟؟؟

المتفرجون و انا مالي خليني في حالي هييييه هيييييه خناقة.... فضيحة... خبر النهاردة ببلاش بكره هيبقى بفلوس في الجرايد!!!! النخوة ماتت

القضاة
ليكون القاضي عادلا يجب أن يسمع العديد من الشهود و أطراف القضية نحن القضاة.... هل سمعنا من الجميع؟؟؟ لا أعتقد هل سمعنا شهادات مختلفه أم كلها من مصدر واحد.... الرد معروف قبل الحكم يجب ألا ننسى أن هذا الموقف يتكرر في الأوتوبيس و الميكروباص... هذا الأمر يتكرر في مظاهرة أو في أي زحام هذا الموقف يتكرر في الأماكن الهادئة.... هذا الموقف يتكرر في الأرياف... هذا الموقف يتواجد في الأقسام ليس كل لمسة يد تحرش فقط.... بل كل نظرة أو كلمة تخدش الحياء

المسئولين
مش الحكومة لوحدها... صحيح هي مش فاضية تحرس كل مواطن على قدر حراستها للوزراء و الأكابر لكن بردو الموقف ده كان يتمنع إزاي و مين كان يتخيله؟؟؟ يا ترى الحكومة غلطانة ولا أهالي الحيوانات دي؟؟؟؟ ولا حتى الأهل... نفس الإنسان و شيطانه هو السبب... قد يجد التوعية الدينية ولكن نفسه تأبى أن تستمع قد يجد التربية ولكن نفسه أمارة بالسوء قد يتوفر له التعليم و غبائه يمنعه من إستغلال نعمة لا يعلمها.. العلم نعمة سمعت كثيرا عن شباب يوفر لهم أهلهم أفضل الفرص و لكنهم يفشلون... فقط لأنهم لا يرغبون في النجاح... هاتعب نفسي ليه أبويا معاه و مش محتاج أشتغل... طب ده نعمله إيه؟؟؟؟؟؟ يا ترى عرفتوا المسئول؟

أتذكر الرعب الذي كان يصيبني انا و أختي عند الخروج لأي سبب من الأسباب في الفترة الأخيرة قبل زواجنا حيث تعرضنا انا وهي للعديد من المحاولات من أطفال كما ذكرت و حتى شباب بالسيارات و الموتسيكلات و حتى العجل
لن أنسى يوم ان خرجت لصلاة التراويح و كان معظم الناس مالزالوا يستجمعون قواهم بعد الإفطار و جاء هذا الطفل على عجله ليمد يده علي و كانت ملابس غاية في الإتساع من أجل الصلاة!!!!
أعتقد جاء الوقت ليخرج لنا القانون بعقوبة جدية لهذه النوعية من المواقف... فلا يجب ان يضيع مستقبل فتاه لتستطيع الحصول على حقا ويجب أن ينفذ القانون بكل صرامة و لا يتم التفريق بين إبن غفير أو إبن وزير
و إتقوا ربنا فينا.... كفايه بهدله هنلاقيها من رئيس جامعة حلوان ولا ضعاف النفوس من ضباط الشرطة ولا الشباب الواقعين تحت تأثير الكله

أرجع و أسأل نفسي... هو كان لازم تحصل عملية تحرش جماعية علشان نتكلم؟؟ ما حدث ليس بجديد.... يحدث في المترو وقت الزحام.... يحدث في الترام.... يحدث في الاوتوبيس.... يحدث في الميكروباص نظرة من موظف حكومي او شاب ماشي في الشارع ممكن ان تجرد الفتاة من ملابسها بدون مد أيادي
كلمة (أبيحة) من كلام الايام دي و الذي أصبح لبانه في فم كل شاب و من قراءاتي للمدونات وجدتها في فم البنات أيضا!!!! بهدف المنظرة و إرتقائهم لمستوى العصر... مبقاش فيه حياء حتى عند البنات مع إن الحياء شعبة من الإيمان
البنت اللي بتهرج بمد اليد مع زملائها و تقول عادي إخواتي!!!ماهو ده تحرش عكسي أيضا لكن الفرق إن الطرف المتحرش بيه عاجبه ومش هيقول لأ (تحرش ببلاش يعني و على طبق من فضة)
أفلام الفنانين الجدد و الذين يتسلقون السلم بسرعة الصاروخ بقبول أدوار تنافي عاداتنا... ما أقوله ليس بتخلف و لكن التخلف أن ننسى أن لدينا طبقة من البشر تتجاوز نصف عدد سكان مصر في حالة حرمان من كل مباهج الحياة
عندما نصفق لفيلم مثل عمارة يعقوبيان ونتناسى النتائج فأنتم لا تستطيعون إقتصار المتفرجين على أصحاب العقول فقط و لكن شمامي الكله و البانجو ز الحشيش لهم مساهمات عالية في حضور مثل هذه النوعية من الأفلام...
لا تلوما علي غيركم فيما حدث فكلنا مشتركين لأننا لم نقف وقفة أمام الكثير من البدع التي ظهرت مؤخرا بل بالعكس دافعنا عنها لأنها حرية شخصية و حرية رأي و رقي عقلي و ثقافي
الخطأ نشترك فيه جميعا مادمنا لم نقف أمام كل ما يتعارض معنا و تناسينا اننا طلعنا ولا نزلنا مجتمع شرقي ولن نصبح أمريكا أو دولة أوروبية في يوم من الأيام

وحسبي الله و نعم الوكيل

حقي ومن حقي

عودة إلى إحترام حقوق الغير

هل أصبح لازما عند إشتراكنا في أحد المواقع أو المنتديات أن نخصص عناون إيميل فرعي بحيث لا نفاجأ بشخص ما يضيف العناون على الماسنجر بدون إذن و بدون هدف إلا مجرد تجميع أكبر عدد من الإيميلات لدواعي الإستعراض
هل هناك من يستطيع شرح الوضع لي عندما أبعث بشكوى لأحد المواقع لمشكلة أواجهها فأفاجأ بصاحب الموقع يضيف إيميلي لديه... هل حل المشكلة يتطلب بعض الدردشة ولا يمكن حلها عن طريق الإيميل؟؟!!!
لماذا لا يراعي البعض ظروف الآخرين... فأنا مثلا لا أستخدم الماسينجر إلا للتواصل مع زوجي في حالة تواجده خارج المنزل ... قد يكون وضعي أفضل حالا من أخرى قد تواجه مشكلة مع زوج شكاك
كنت قد إشتركت في أحد المنتديات والذي لجأ أصحابه لأحد الأشخاص المتخصصين لعمل new look
وبعدها إكتشفت أن هذا الشخص أعطى قائمة المشتركين لبعض المنتديات الأخرى و التي امطرتنا بوابل من الإيميلات لنشترك بها!!!!
مازلت أتسائل إلى متى سنتجاهل إحترام خصوصية الآخرين
قد تقولون أن الإختيار أمامي للقبول أو الرفض و اتسائل لماذا يحدث هذا أساسا منذ البداية ولماذا أصبحنا لا نهتم بالأصول و المفروض؟؟

:: S n a p s h o t s :: مصدر الصورة مدونة

تمثال الحرية

من أربع أيام وصلنا إخطار باستلام طرد من البريد وإمبارح وصلنا إخطار ثاني لأن زوجي لم يتمكن من إستلامه حتى اليوم
الطرد لمجموعة من السيديهات طلبناها عبر الإنترنت و عددها 10 سي دي... و حسب ما ذكر الموقع أنها سيديهات مجانية تماما شاملة الشحن (هحكيلكوا عليها قريب إن شاء الله) ... يعني من الآخر مش هندفع فيها قرش...
أنا قلت مش هندفع فيها قرش... سوريييي أنا غلطانة.. نسيت إن الطرد سيصل ليد البريد المصري و ما أدراك ما البريد المصري...
أول حاجة الظرف جاي مكعبل كأن واحدة نسيته جوة الغسالة وكرمش منها خالص
ثانيا الظرف مفتوح من أحد الجوانب و تم تفتيشه!!! و الحق يقال إنهم جبسوا الفتحة كويس قوي بعد كده... طب حد يفهمني الطرد إتفتح ليه و إتبهدل كده ليه... مع إنه والله شكله محترم وإبن ناس
ثالثا جوزي لما راح يستلم الطرد طلبوا منه قيمة 30 جنيه بيانها كالتالي:

80 قرش دمغات لأصل و صورة الفاتورة... ما علينا من دي بيروقراطية حكومي
75 قرش إجراءات !!!! حد يفهمني إجراءات إيه بالضبط
3.90 إعلانات!!!!!!!!!!!!!!!!!!!! يا لهويييييييييييي بقى ورقتين اللحمة بتوع الإخطارين دول إتكلفوا المبلغ ده كله
24.50 جنيه رسوم تخليص جمركي... وسع يا جدع للعربية
(فكت تسحه و حشرون كنيها و خمستون و تسحون كيرشن لا خييييييييير)
طبعا إحنا مش باصين لقيمة الفاتورة الغريبة دي... الحمد لله مش مبلغ ، بس فيه ناسمش في جيبها كتير علشان تطلع منه 30 جنيه مش معمول حسابها خالص علشان في الآخر يستلم طرد مجاني!!!الحمد لله على نعمة الستر ... بس لو حد تاني و يا دوب اللي معاه ساتره و جايله حاجة مهمة لأي سبب و طلبوا منه يدفع قيمة إجراءات جمركية مش عارفة إيه و الطرد ده حياة أو موت يشحت مثلا ولا إيه... طب كويس إنها جت في حاجة صغيرة... طب لو حاجة كبيرة إيه اللي يحصل



تمثال الحرية كان معمول لمصر و بسبب البيروقراطية المصرية المعتادة حصلت مشكلة و على أساسها الحكومة المصرية رفضت إستلام التمثال إلا مجانا لأنه هدية و رفضت دفع الجمارك
إيه اللي حصل؟؟ و دلوقتي زي ما العالم كله عارف تمثال الحرية بقى أمريكاني و معلم من المعالم... لأ و إيه مرشح يكون من عجايب الدنيا السبعة الجديدة

The statue was to be placed in Port Said and was designed as "Egypt carrying the light into Asia". The inspiration came from the giant statues at Abu Simbel. The project would have gone further if Khedive Ismail, the ruler of Egypt at that time, had not deemed it too expensive

Wikipedia

الإقاتباس بدون إذن عييييب

الموضوع بقى فعلا يقرف و يغيظ ويخلي الواحد يفكر... الناس دي هتفضل متحترمش خصوصية الغير و بالرغم من كده تتكلم عن الخصوصية.. وكذلك عدم إحترام حقوق الغير في الملكية... تناقض غريب قوي



إيتيكيت الإنترنت لمن لا يعرف
1- متكتبش بخط كبير وخصوصا لو كان باللغة الإنجليزية لأن الفونت الكبير أو الحروف الكابيتال تعني الصراخ وطبعا ده يعد قلة ذوق
2- لا تضع إيميلك في كل موضوع و بوست تكتبه فهو يدل على أنك كما نقول نحن المصريين (محدث نعمة) وأكيد متحبش يتقال عليك كده
3- لا تكتب بألوان فاتحة قوي على خلفيةفاتحةة أو العكس أو تستخدم ألوان عاملة كونتراست جامد زي أبيض على خلفية سوداء، طبعا من حقك إستخدام ألوانك الخاصة و الشعور بالتميز لكن مش على حساب عيون القارئين لموضوعاتك
4- دي بقى نقطة مهمة جدا.... لا تستخدم أي مادة كتبها غيرك أو حتى صورة إلا بعد إذن صاحبها أو الإشارة إلى المصدر حتى لو كانت مأخوذة من الإنترنت لأنك أكيد متحبش يتعمل معاك كده وده يدل على الذوق الرفيع (الإستئذان) مادام ما ستأخذه ليس مفتوح المصدر (زي البنات متحبش تلاقي واحدة مقلدة فستانها و بتدعي إنه من تصميمها) ... وخاصة لما يكون هذا الشخص يتواجد معك في نفس المجتمع الذي تنتمي ليه

فاتورة التليفون

براجع 140 أونلاين علشان فاتورة التليفون ألاقي في الفاتورة مبلغ .0.01 جنيه يعني قرش واحد في بند محافظات!!! غريبة
أولا لأننا مش بنتكلم محافظات و ثانيا إننا لو هنتكلم محافظات و يادوب فتحنا الخط هياخد على الأقل ربع جنيه ولا حاجة مش قرش واحد
طب لو كل واحد عنده قرش واحد بس زيادة على الفاتورة و لعدد 30 مليون عندهم تليفونات يا ترى الهيئة القومية للإتصالات هيكون في جيبها كام..... 30000 !!! يا جمالهم
ده طبعا بإعتبار عدم إضافة أكتر من قرش للي أساسا بيكلموا المحافظات
و الجميل كمان بعد مراجعة جميع أرقام التليفونات اللي تخصنا و تخص الأهل... بند رصيد سابق بردو فيه مبالغ محسوبة... طب محسوبة على إيه... هي الهيئة بتسيب حقها.. أكيد كل واحد بيروح يدفع فاتورة التليفونات لازم يدفع المبلغ بالضبط إذا مكانش أكتر منه... ماهو أحياتا بيبقاله جنيه ولا حاجة والمحاسب مش بيلاقي عنده فكة!!!
إمبارح التليفون فصل حرارة... كده منه لنفسه.... مع العلم إننا مستنيين في اليوم ده بالأخص مكالمة شركة النت علشان الإشتراك الجديد.. وبعد مراجعة جميع الوصلات ملقيناش فيهم مشكلة مع إننا اساسا مقربناش ليهم قبل كده بس قلنا يمكن
جوزي راح النهاردة للسنترال علشان يبلغ ... يلاقي إيه... قالوله كلم 111... يقولهم طب أنا جيت بدل ماتكلم خدوا رقم التليفون يقولولو ممنوع
طيب و أمره لله يكلم 111 طبعا يعني مش هيتكلم من التليفون البايظ !!!! ماعلينا
كلمهم يلاقي رسالة صوتيه إضغط رقم كذا علشان كذا و الكلام اللي منم النوع ده
ماشي خلص المكالمة وقالوله في خلال 48 ساعة هيتم إصلاح العطل
يا جمال التطوير و التكنولوجيا