هل هلالك ....شهر مبارك

لا أعتقد إن الدنيا هتتغير في يوم و ليلة
الناس بتتغير للأسوأ فلا تتوقع منهم الكثير في رمضان
كل عام الحال من سيء لأسوأ
و حال الناس لا يسر عدو أو حبيب
بس ربنا قادر على كل شيء
ربنا يهدي الجميع و يهديني معاهم
قولوا آمين
وكل سنة و أنتم طيبين

رمضان كريم

أتمنى نحاول كلنا نبقى مختلفين الشهر ده
نحاول نتقي ربنا... نغض البصر
نصوم بكل جوارحنا و نقدر نعم ربنا لينا و نبطل تذمر
أتمنى نقاطع المسخرة المدعوة باطلا بالخيم الرمضانية
و نبطل بحلقة في التليفزيون
و حاجة تانية يمكن تستغربوا ليها
وهي إن البنات تصلي في بيوتها أحسن و اكرم ليها و لا نسيتوا الحديث اللي خلاصته إن
" صلاتها في بيتها خير من صلاتها في المسجد "
متلزقوش في " لا تمنعوا إماء الله مساجد الله " لأن الأكيد مكانش المقصود بيها المهازل اللي بتحصل دلوقتي
يا ريت نبطل إسراف و اللقمة اللي زايدة عند حد الأفضل يحطها في فم المحتاج
يا ريت نبطل نميمة و إستهزاء بالناس
اللهم بلغنا رمضان