قرأت موضوع بعنوان العرب إحتلوا مصر
و كالمعتاد إستعرضت الردودو تبينلي قد إيه إحنا شعب لسانه طويل و مصابين بعقد الدنيا و اللذيذ إننا مش حاسيين بعيوبنا... شايفين بس عيوب غيرنا
أنا مش فاهمة لحد إمتى هنفضل فاكرين نفسنا لسه فرعنا و نتفرعن على غيرنا... مع إننا كده بربطة المعلم ينطبق علينا المثل السابق ذكره أقرع و نزهي... وغيره كتير من الأمثلة الغير مستحب ذكرها هنا.
يا ريت نفهم إننا بيتنا من قزاز و نبطل نحدف الناس بالطوب وننسى الطوبة الدنماركية اللي إتحدفت علينا قبل كده
حقيقي إحنا شعب متخلف
نقد و إستفزاز و تريقة على خلق الله وتصرفاتنا كلها غرور في غرور و كأننا أحسن ناس على وجه الأرض مع إن كتير مننا ميتقلعش من الرجل ولا مؤاخذه
إحنا مش شاطرين غير في التنططة على غيرنا وخصوصا العرب و الخليجيين... مش فاهمة ليه
هل لأنهم عندهم سلبيات زي البشر واللي إحنا منتخيرش عنهم في حاجة بل بالعكس إحنا أسوأ برمراحل ولا علشان عندهم فلوس وعقدة النقص اللي جوانا بنطلعها بإظهار عيوبهم وكأننا ملائكة تمشي على الأرض
طيب أنا عارفه إن فيهم المغرور وفيهم المتعالي وفيهم اللي بيعامل المصريين وحش وبردو فيهم المحترم و فيهم اللي بيعاملنا حلو
يوم مايروحوا لبنان نقول علشان يفرجوا الكبت اللي هما فيه و ننزل تريقة عليهم ونقول مصر أم الدنيا ميجوش مصر ليه
ويوم ما ييجوا نتنافس علشان نمسكهم تريقة و ندفعهم دم قلبهم ومالوا لما نسرقهم مش معاهم فلوس وجايين من بلاد البترول
لإمتى هنفضل فاكرين إننا أحسن الناس يا ناس وإحنا حرامية و مرتشين ومعندناش لا ضمير ولا أخلاق... كل اللي عندنا بق كبير قوي
4 comments:
ملحوظة :
الخليجيون يفعلون نفس الشيء بالنسبة للمصريين ، وفي بعض البلدان الخليجية تعتبر كلمة "ابن المصرية" شتيمة!
الغرض هنا ليس الدفاع عن الخليجيين بقدر ماهو نقد المجتمع العربي والذي نحن جزء منه ولا نتخير عنه في شيء
وإن كان الخليجيين يشتموننا فهو بسببنا نحن المصريين و بسبب أفلامنا الهابطة والتي تصور المصرية كساقطة دوما
و بسبب فتياتنا اللائي يرغبن في الزواج من زكيبة فلوس خليجية ولا يهمهن كيف يصلن لذلك بقدر ما يهمهن النتيجة
وبالتالي كلنا في الهوا سوا و ياريت نحاول نحترم غيرنا لنغير الفكرة القبيحة التي أصبحت ملتصقة بنا
والله العظيم انت انسانة محترمة واحمدي ربنا انك تخلصتي من عقدة (احنا ) لاننا بنقول احنا واحنا واحنا ... واحنا فعلا ولا حاجة مين قال ان الخليجيين اسوء منا احنا لو عندنا ما عندهم من مال كنا بقينا اسوء وامر منهم مرات ومرات وفعلا ده قصر ديل لكن لا انكر ان منهم من يستاهل الحرق لكن اكثرهم بشر عاديون بالعربي هم مثلنا مرايا نعكس صورة المتعامل معنا فلو تعاملنا معهم بحب سنجد منهم حب ولو تعاملنا بدونية سنجد الدونية وفالاخر كلنا شبه بعض كلنا عرب للاسف مغرورين بماضي احنا دمرناه ولك تحياتي وانا بادور على عقد عمل فالخليج تعرفي ليش كفيل بس يكون من النوع المحترم ههههههههههههههههه
ئتصدق حضرتك هم ليهم حق يعاملونا معاملة سيئة... شوف المصري بيتعامل مع المصري اللي زيه إزاي في بلادهم وإزاي ممكن ياكلوا في بعض علشان خاطر القرش مع إن باقي الجاليات مبتعملش كده
وعلى الأقل أهل الخليج مازالوا محتفظين بضمائرهم و اللي الضمير خرج عندنا ولم يعد
وأحترم فيهم إصرارهم على التمسك بعاداتهم و قيمهم حتى وإن كانت شكليات
على الأقل دي محاولة منهم للحفاظ على ما تبقى
أما المصريين فحدث ولا حرج
Post a Comment