مفيش أسوأ من إنك تخسر صديق لسبب تافه
أو إنك تتسبب في جرح إنسان بسبب جرحه لك
أو أنك تبيت ليلة و شخص ما واخد على خاطره منك
مفيش أسوأ من تأنيب الضمير حتى لو إحساسك بيأكدلك إنك ليك حق و مش غلطان
مفيش طريقة ممكن تخرج بيها من المطب ده إلا إنك تعيش وحيد
لأن مفيش إنسان يقدر يقتل ضميره وخاصة لو قلبه زي صفحة الماء لا يثبت عليها شائبة
المضحك في الأمر إنك مبقتش تعرف أساسا هل إنت صح ولا غلط
أما الأسوأ إنك بتفقد إحترامك لنفسك لعدم تمسكك برأيك
أحيانا بتسائل لما يقولوا على شخص إنه ضميره ميت
بتسائل إزاي قتله!!!!
طب اللي معندوش ضمير يا ترى إتولد من غيره؟؟؟؟
طب إزاي ناس بتتخاصم و ميهمهاش و بتجرح أكتر في بعضها
إزاي محدش شفته لحد دلوقتي بيعتذر لإنسان مخطيء فيه
إزاي نتجنب الألم.....
طب لو حد يعرف يكشفلي السر
10 comments:
احسن حاجة انك رجعتي في قرارك بالإبتعاد
اما موضوع الضمير فلسه فيه بوست حالا نازل مع البوست بتاعك في نفس الثانية بيتكلم برده عن الضمير الغائب
عند رشا
فهمني شو يعني ضمير
أكثر مايؤلمنا أن يأتي الجرح من أخد نحبه
الا انه مع تكرار التجارب وجدت أن الأبتعاد لفتره عتاب يجعل الأنسان يهدا ويعود الي رشده ويجد ان مافعله ما كان يستحق كل هذا
أما يعني ايه ضمير
فأنا لي مفهوم خاص للضمير
أسرد بعض منه
أن تخافي الله سبحانه وتعالي ذلك هو الضمير
أن تتجنبي أيذاء البشر هذا هو الضمير
أن تتحملي أيذاء الغير لك دون أن تردي بالمثل هذا هو الضمير
ان تخلصي في كل الأفعال التي تقومين بها هذا هو الضمير
أن يتعذر عليك نومك بسبب تفكيرك في أشياء قمت بها ولاتروق لك هذا هو الضمير
أن تساعدي الأخرين دون أن أنتظار المقابل هذا هو الضمير
ان تشعري بالألم والوجع هذا هو الضمير
واشياء كثيره اضيفها يوميا علي معاني الضمير
وتحياتي لك
أحمد شقير للأسف اللينك مش شغال
بس شكرا على التشجيع
عزيزتي مكسوفة الضمير يشمل كتير
وإن لم يمنع الإنسان من الخطأ فأكيد ضمير الإنسان هيأنبه على الأقل للإعتذار أو حتى الإعتراف بالخطأ
و مازال الإنسان يقع في أخطاء بس يا ترى بيندم عليها ولا بيستمر فيها
هنا بقى كله يعتمد على ضميره
شكرا ليكي
مبروك العودة
بالنسبة للضمير
لو مش موجود تبقى حياة بلا شعور
ساعات بحس إن الضمير هو الشيء الوحيد اللي بيصل الإنسان بربه...طول الوقت
هو مضغة في القلب إذا صلحت صلح الجسد كله .
لا يوجد انسان ضميره ميت أبداً, الكل لديه ضمير حى و لكن بعض منا يسمع لندائه و يجيبه على الفور و البعض الآخر يصم أذنيه عنه و لكن ضميره لن يتوقف عن ندائه مادام حى و سوف يرشده دائماً إلى الطريق الصحيح
تحياتى
في رأيي المتواضع أنه يمكن لنا أن نختزل حجم الالم إذا اتبعنا الاتي :
1- قبل أي شيء نفعله أو نصنعه نحتسبه فقط لوجه الله سبحانه و تعالي ، بصرف النظر عن الصله .بمعني ان الابتسامة لزميلتي او صديقتي اجعلها لوجه الله و احتسبها لدي رب العزة و اتذكر ان تبسمك في وجه أخيك صدقة... وأيضا أداء الزوج او الزوجه للواجبات الزوجيه و المنزليه نحنسبه لوجه الله تعالي و ننتظر منه وحده الثواب .
2- لا تنتظروا اي شيء من مخلوق مثك مثله ...فإن اتت فالحمد لله...و إن لم تأت فالحمد لله.
3- إذا اصابنا هم أو غم أو كرب نعلم اننا مثابين عليه ان شاء الله إن صبرنا و احتسبنا.
4- أكثروا من قول " لا اله الا الله" ، " لا حول و لا قوة الا بالله العلي العظيم" ، " و أفوض أمري الي الله ان الله بصير بالعباد" ، و دعاء سيدنا يونس في بطن الحوت " لا اله الا انت سبحانك " .
أما الضمير ففي إعتقادي انه جزء من النفس البشرية... يولد الانسان به ثم ينمو معه من خلال الدين و العادات و التقاليد ... و التجارب الحياتية.
وفي إعتقادي أيضا ان النفس اللوامه ... و قد ذكر الله سبحانه و تعالي ثلاث انواع للنفس : الامارة بالسوء و العياذ بالله . و النفس اللوامه التي تلوم و تنهي صاحبها عن الهوي . و النفس المطمئنة ندعوا الله سبحانه و تعالي ان يرزقنا أياها .
الموضوع ليس بالسهل.. و لكن التمرين و الاحتساب عند الله ييسر الكثير من تحمل أخطاء الاخرين، و لنتذكر اننا أيضا بشر نخطيء كما يخطيء الاخرون... و لكن عندما ندرك الخطأ يجب علينا الاعتذار و تطيب الخاطر ...
تحياتي للجميع
الحل البسيط الصعب
فقط كونى مع الله لا تجدى الم ، فحال المؤمن كله خير ولا مكان فيه للألم أن اصابه خير شكر فذلك خير له وان اصابه شر صبر فكان خيراً له او كما قال صلى الله عليه وسلم
الضمير موجود عند كل الناس بس فى ناس بتأجرة مفروش او بتديلة مخدر وساعات بيبعوه بس بعد كدة مينفعش يبقوا بنى ادمين
i've made my final post...it says some answers
wish u'd read it & tell me ur opinion
Post a Comment