"من خرج من داره إتقل مقداره"
مثل لازم أفتكره كل عيد قبل ما أقرر أخرج لأي سبب حتى لو كان لشراء البقالة ويا ريت بنات أحداث وسط البلد كانوا إفتكروه
"حسنة قليلة تمنع بلاوي كتيرة"
مثل لازم كلنا نفتكره قبل ما نقدم مساعدة لحد... للأسف المحتاج طلع مش محتاج فلوس... بل قلم على الوش يفوقه
"لو الكلام من فضة يبقى السكوت من دهب"
"هبلة و مسكوها طبلة"
أكيد لازم نفتكر المثل ده عند قراءة بعض المدونات
"أصلك يرد عليك"
لما بقرأ أو أشاهد كلام صحفيي هذه الأيام
"إكسر للبنت ضلع يطلعلها إتنين"
يا ريييييييييييييييييت مكانش حد إتقرف من اللي بيحصل دلوقتي
"الجنازة حارة و الميت كلب"
" :) الشبشب و القبقاب بقوا أصحاب"
كل ما شوف أنصار احد الأحزاب بيتكلم عن أحد "أعلام" الحزب
"عشمتني بالحلق خرمت أنا وداني"
المثل ده لازم نحطه "حلقة في ودننا" لما يجيلنا صنايعي يعملنا شغلانة في البيت "ويعملنا من البحر طحينة"
"يوضع سره في أضعف خلقه"
لا تستهين أبدا بمن هو دونك في الصحة أو الخلقة أو خلافه
"يا مستعجل عطلك الله"
إفتكرها دايما قبل ما تنزل لمشوار يخصك في الشارع ويا ريت يفكرك تنزل بدري شوية و إبقى قابلني لو وصلت في معادك إلا لو عندك طياره... بس للأسف هتحتار بردو تركنها فين
"يا قاعدين يكفيكوا شر الجايين"
و يا مدونين يكفيكوا شر المعلقين
"الخلف الخايب يجيب لأهله النعلة" (اللعنة يعني)
على كده 90% من أهلنا إتلعنوا
"قلبي على ولدي إنفطر و قلب ولدي عليا حجر"
إرحموا أهلكم علشان خاطر ربنا يا ناس يا هووووه
"واحد شايل دقنه و التاني تعبان ليه"
لمهاجمي الممثلات المحجبات و حياة ربنا سيبوهم في حالهم مش بالذمة مسلسلاتهم أحسن مليون مرة من مسلسلات يسرا و إلهام شاهين!!! واللي يضحك اللي بيقول على مسلسلات المحجبات إنها مؤامرة... حد يقدر يقولي مؤامرة على إيه ولا ليه؟؟؟
"نص البلد ما تعجبني يا ترى أنا أعجب مين"
لهواة النقد الدائم المستديم و كل فيلسوف فاكر نفسه خبير سياسي
"مين فاضي ينبش في الماضي"
لا وربنا ناس كتير قوي فاضيه... فراغ "عاصفي" بقى
"من قال الحمد لله شبع"
"من رضي بقليله عاش"
أهديها لكل من أصاب بالسعار في كل شيء ، فعدم الرضا عن الحال أصبح من أمراض العصر
"كنتي فين يا لأ لما أنا قلت آه"
بيقولها كل عراقي كان ضد صدام .... و يا ريتنا ناخد العبرة قبل "ما تقع الطوبة في المعطوبة" ومحدش يقولي فيه فرق
"فقر بلا دين هو الغنى الكامل"
"اللي معاهوش ميلزموش"
"السلف تلف و الرد خسارة"
والله جدودنا دول كانوا في منتهى الحكمة و بالرغم من كل أمثالهم دي مبنعملش بيها ... و مهما الزمن إتغير و الدنيا إتقدمت الأساسيات و الثوابت واحدة
أقساط= ديون و بلاش منظرة فارغة بالدين
مثل لازم أفتكره كل عيد قبل ما أقرر أخرج لأي سبب حتى لو كان لشراء البقالة ويا ريت بنات أحداث وسط البلد كانوا إفتكروه
"حسنة قليلة تمنع بلاوي كتيرة"
مثل لازم كلنا نفتكره قبل ما نقدم مساعدة لحد... للأسف المحتاج طلع مش محتاج فلوس... بل قلم على الوش يفوقه
"لو الكلام من فضة يبقى السكوت من دهب"
"هبلة و مسكوها طبلة"
أكيد لازم نفتكر المثل ده عند قراءة بعض المدونات
"أصلك يرد عليك"
لما بقرأ أو أشاهد كلام صحفيي هذه الأيام
"إكسر للبنت ضلع يطلعلها إتنين"
يا ريييييييييييييييييت مكانش حد إتقرف من اللي بيحصل دلوقتي
"الجنازة حارة و الميت كلب"
" :) الشبشب و القبقاب بقوا أصحاب"
كل ما شوف أنصار احد الأحزاب بيتكلم عن أحد "أعلام" الحزب
"عشمتني بالحلق خرمت أنا وداني"
المثل ده لازم نحطه "حلقة في ودننا" لما يجيلنا صنايعي يعملنا شغلانة في البيت "ويعملنا من البحر طحينة"
"يوضع سره في أضعف خلقه"
لا تستهين أبدا بمن هو دونك في الصحة أو الخلقة أو خلافه
"يا مستعجل عطلك الله"
إفتكرها دايما قبل ما تنزل لمشوار يخصك في الشارع ويا ريت يفكرك تنزل بدري شوية و إبقى قابلني لو وصلت في معادك إلا لو عندك طياره... بس للأسف هتحتار بردو تركنها فين
"يا قاعدين يكفيكوا شر الجايين"
و يا مدونين يكفيكوا شر المعلقين
"الخلف الخايب يجيب لأهله النعلة" (اللعنة يعني)
على كده 90% من أهلنا إتلعنوا
"قلبي على ولدي إنفطر و قلب ولدي عليا حجر"
إرحموا أهلكم علشان خاطر ربنا يا ناس يا هووووه
"واحد شايل دقنه و التاني تعبان ليه"
لمهاجمي الممثلات المحجبات و حياة ربنا سيبوهم في حالهم مش بالذمة مسلسلاتهم أحسن مليون مرة من مسلسلات يسرا و إلهام شاهين!!! واللي يضحك اللي بيقول على مسلسلات المحجبات إنها مؤامرة... حد يقدر يقولي مؤامرة على إيه ولا ليه؟؟؟
"نص البلد ما تعجبني يا ترى أنا أعجب مين"
لهواة النقد الدائم المستديم و كل فيلسوف فاكر نفسه خبير سياسي
"مين فاضي ينبش في الماضي"
لا وربنا ناس كتير قوي فاضيه... فراغ "عاصفي" بقى
"من قال الحمد لله شبع"
"من رضي بقليله عاش"
أهديها لكل من أصاب بالسعار في كل شيء ، فعدم الرضا عن الحال أصبح من أمراض العصر
"كنتي فين يا لأ لما أنا قلت آه"
بيقولها كل عراقي كان ضد صدام .... و يا ريتنا ناخد العبرة قبل "ما تقع الطوبة في المعطوبة" ومحدش يقولي فيه فرق
"فقر بلا دين هو الغنى الكامل"
"اللي معاهوش ميلزموش"
"السلف تلف و الرد خسارة"
والله جدودنا دول كانوا في منتهى الحكمة و بالرغم من كل أمثالهم دي مبنعملش بيها ... و مهما الزمن إتغير و الدنيا إتقدمت الأساسيات و الثوابت واحدة
أقساط= ديون و بلاش منظرة فارغة بالدين
4 comments:
ملاحظة بسيطة ...حضرتك كنتي متنرفزة أو مستعجلة و أنتي بتكتبي البوست ده
غير كده انا هكفيكي شري :)) لأني رغاي أوي وممكن اعلق علي كل كلمة في البوست
غير كده بحييكي علي المدفع الرشاش اللي خرجتيه من مخازن روحك ..الصراحة بتريح برضه مش كده ؟!
وكل سنة و حضرتك طيبة ومدونة
كل عام أنتِ بخير..
بمناسبة شر المعلقين ، طلع لي واحد انونوميوس ، وزي ما فيه ناس غاوية تجمع طوابع أو تلعب رياضة دة بقى غاوي يشتم.. هراني شوية من الإهانات والكلام الفارغ تعليقاً على تدوينة كتبتها عن قناة الناس.. أنا شخصياً بفكر من أول الشهر اللي جاي إن شاء الله أمنع الأنونوميوس بشكل عام من التعليق .. وكفاية مشاكلهم مع زملاء آخرين..
me2
"إكسر للبنت ضلع يطلعلها إتنين"
يا ريييييييييييييييييت مكانش حد إتقرف من اللي بيحصل دلوقتي
" صحة المثل يطلعلها اربعة وعشرين"
انا مش معاكى فى تعليقك على المثل لان البنت او الولد منتج من انتاج مصنع اسمه الاسرة ولو المصنع بيراعى الموصفات الجيدة فى عملية الانتاج حيكون المنتج مطابق للموصفات اما اذا كان المصنع من مصانع بير السلم يبقى المنتج فاسد ويجب مصادرتة بل واعدامة لانة غير مطابق للمواصفات مع اغلاق المصنع وتغريم صاحبة غرامة رادعة اما تحمل المنتج ـ الولد او البنت ـ لما يجب ان يتحملة صاحب المصنع ـ الاسرة ـ فهذا منتهى الظلم ـ علاوة على ان رقابة الدولةـ كممثل للمجتمع ـ على المصنع مسؤلة على ترك مصنع بير السلم يعمل سنوات وسنوات فى انتاج لايصلح للاستعمال ـ تحياتى
ضياء
شكرا ليك و كل سنة و إنت طيب بس مفهمتش ده نقد ولا إيه :)
قلم جاف:
إلغي الأنونيموس مبقاش فيه مشكلة
مش أحسن من حرقة الدم ولو إن أي حد ممكن يعمل أكاونت و ميستخدموش علشان يرازي بيه خلق الله
جدو:
أنا معاك يا جدو ولو إن الآباء مش دايما مسئولين عن تجربة
البنات معروف إنها عقليا بتنضج قبل الأولاد وده بيديها فرصة تقرر سلوكها وأخلاقيتها ومن اللي أنا شايفاه دلوقتي أقدر أقولك إن بنات كتير مبقيتش فارقة معاهم أي حاجة و بتتصرف بطيش و هبل أستغربه على أخلاقياتنا لدرجة إني أخاف دلوقتي يكون ليا بنت... مش هعرف أعمل معاها إيه
Post a Comment