لبنان طلعلها جيش ياولاد!!!!!!!!!!

قرأت خبر حادثة الست ال(عظيمة) قوي جدا خالص وكلام من ده و بتاع ... محطمة قلوب العذارى و مخففة آلام الحيارى الست العاقلة الراكزة الكاملة (ولا كامل إلا وجه الله) هايفه قصدي هيفاء وهبي

و في وسط الخبر بيقولوا ((( هيفاء وجهت أيضاً تحية اكبار خاصة جدا للجيش قيادة وافراداً، لسرعة التصرف ونقلها من مكان الحادث))))

والله إنشكحت جدا لما عرفت إن لبنان ليها جيش!!!!!! لأ و إيه بيتحرك بسرعة في الازمات!!!!!!!!! مع إن في يوم من الأيام و بقدرة قادر الجيش كان مختفي والوزارة و الحكومة اللبنانية كانت بتدرس و تفكر و تقرر قبل نشر القوات!!!!!!

ولا يمكن إدوه لقب جيش كلقب شرفي... علشان المنظر بس قدام الحبايب
بس بجد بجد فرحت قوي لما عرفت إن الجيش في خدمة الشعب و خاصة الناس العظيمةمن عينة بوس الواوا

حسبي الله و نعم الوكيل

لكل من له إيميل على الياهو

انتشرت سرقة الايميلات عن طريق توجيه دعوة لتسجيل دخول الياهو بالعربي أو أن تاتيك رسالة من الياهو شخصيا ولجأ الحرامي للحيلة دي بعد ما وضع نفس تصميم موقع الياهو الاصلي (وده عادي جدا يعني مش صعبة )

بيطلب منك تسجيل الباسوورد و اليوزر نيم الخاص بك من ضمن بيانات أخرى ويتم ارسال البيانات الى الحرامي شخصيا
مع رسالة تحذير بإلغاء الإيميل إذا لم يتم الرد

وطبعا بيغير كلمة السر القديمة بكلمة جديدة
و يبعث بإيميلات لأصدقائك تفيد بسفرك أنت إلى إحدى الدول وسرقة اموالك و حاجتك لتحويل مبلغ إلى حساب في هذه البلد بل و تصل به البجاحة لأن يعمل شات مع أصدقائك

والموضوع ده أكيد 100% ومش اشاعة عالنت

لأن هذا الموضوع حدث مع أخت زوجي

ياريت تخللي بالك وتقرا اي عنوان يجيليك مظبوط وماتدخلش بيانات على اي رابط يجيلك

ملحوظة هامة:
الياهو لديه كل بياناتك و ليس بحاجة لطلبها منك فلا تفتح أي إيميل من أي مصدر أنت غير واثق منه حتى و إن جاء بإسم أحد اصدقائك إلا لو كنت اساسا في إنتظاره

تعازينا لأهل سلطنة عمان!!!!

مش فاهمة إيه كم الانانية اللي وصلنا ليه كمصريين متفرعنين و طالعين فيها و فاكرين إننا هنجيب الديب من ديله و ننسى الناس التانية مادام أخبارهم مش هتحققلنا الشهرة
ولا لازم نكون متخانقين مع بلد علشان نجيب سيرتها و اللي بيحصل فيها حتى من باب الشماتة
ولا يمكن لازم الحكومة تقدم مساعدات فنقعد إحنا نشتم في الحكومة و الرئيس و بالمرة نجيب سيرة الكارثة اللي حصلت؟؟؟



فين .... المؤمن للمؤمن كالبنيان المرصوص؟؟؟؟؟ ولا لازم يكون لينا أصحاب او أقارب علشان نتكلم
ساندنا تونس في معركتها ضد مش عارفة إيه و الأقصى لما يحصله إيه ولبنان لما جرالها إيه و العراق ...... وغيرها
بنكتب و نكتب و نحط شعارات تقولش بنجاهد.... ولما تتعرض بلد في حالها زي عمان لكارثة حتى و إن كانت قدر من الله ننساها.... طب ما كل اللي بيحصل لكل الناس مقدر و مكتوب..............

بصراحة و من الآخر إحنا كمصريين نستاهل اللي إحنا فيه و يمكن أكتر
وساعة ما يحصلنا اللي حصل لغيرنا ... تبقى منتهى البجاحة منا إننا نطلب مسانده الغير
و سبب العنف الواضح في كلامي إني مشفتش من المدونين و مش هقول كلهم طبعا لكن الأغلب... مشفتش منهم غير التطبيل و التهليل على حاجات من وجهة نظري مبيفهموش فيها و حتى عرض بعض المواضيع الحساسة بيعرضوها بشكل غريب زي النار اللي بتنتشر في الهشيم... بدون ما يدوروا على الحقيقة اللي وراها ولو حاولوا بيتناولوا المواضيع إما بمنتهى التفاهة او السطحية أو الفذلكة
طبعا مع إستخدام مصطلحات تخينة و مجعلصة علشان يثبتوا ثقافتهم و إطلاعهم أو باستخدام ألفاظ بذيئة علشان شوية الفرافير اللي زيهم يتبسطوا

بسبب عدم متابعتي للأخبار نهائيا فاتني هذا الحدث المؤسف
وعن طريق إيميل وصلني إكتشفت الخبر بالصدفة
واضح إن المدونين المصريين بقى هدفهم الوحيد تحقيق مجد شخصي من خلال مدوناتهم بحيث إنهم نسيوا يجيبوا سيرة خبر زي ده!!!!!!!!!

تعرضت سلطنة عمان لإعصار (جونو)
وهو إعصار مداري لم تشهده أي دولة عربية من قبل
وتوفي فيه ما يقرب من خمسين شخصا و فقد ثلاثين
تعازينا لأهل الشهداء و تعازينا لأهل سلطنة عمان
و نعتذر لكم عن تخاذلنا و نحن مثلكم عرب و مسلمين!!!!
حتى و إن كنتم مش محتاجين مساعدات من حد
فنحن قصرنا في المساندة المعنوية فسامحونا











لينكات:

جونو .. أول إعصار يضرب خليج عمان منذ 30 عاما

YouTube - إعصار جونو - سلطنة عمان

"جونو" والقصف الأمريكي يخيمان على الأجواء الإيرانية

جرب مرة واحدة تستخدم عقلك

إيميل وصلني واجب النشر
لأول مره (و إن كان ليس بجديد على هذه الشخصية) أرى إنسانا يستخدم عقله الذي وهبه الله له
ليفكر و يحلل و يبحث ليجد الإجابة بدون ( جعجعة) بلا تفكير
داليا إيهاب يونس .. قد تكون من النوادر في هذا الزمن
هذا الزمنالذي غلب فيه الصوت العالي و (الشرشحة) و أسلوب الفضائح بدلا من التفكير و التناقش بهدوء و عقلانية بعد البحث و التقصي
وهي كاتبة و إنسانة مبدعة بحق بالرغم من حدائة سنها كما سيتضح مما ستقراونه
و هي صاحبة مدونة في مملكة جيرالدين

أترككم مع الرسالة

**************

يا مولانا المفتي.. "حِلمي" حلمك.. !

"غرام وانتقام" -الذي شاهدته منذ أيام- فيلم كوميدي بالدرجة الأولى بالنسبة لي.. أن ترى أسمهان وهي تقول "بونسوار" ثم تليها "أقسملك" أو ترى أنور وجدي -فتى الفيلم الصائع- وهو يعبر عن خطيئته مع أخت يوسف وهبي بأنهما "تسلط علينا الطيش" لهو قمة العجب من هذا العالم الذي كانوا يعيشون فيه في الماضي وتلك الأمة التي قد خلت..

وربما ما يجعل هذا "العمل الفني" يندرج تحت قائمة "هَمّ يضحك" هو أن الناس الآن قد فطنوا إلى هذا التناقض العجيب الذي كانوا يعيشونه في الماضي.. و"تذكروا" أنهم كانوا يقولون أصلاً "سلامو عليكو" بدلاً من "سعيدة" و"يا حول الله" بدلاً من "يا للهول" ! وهذا لا يمنع أن هناك رواسب من العالم القديم مازالت موجودة في الفن الحالي..

فبعد أن "تنبه" مبدعو الإعلانات المصرية -مثلاً- إلى أن أكثر من 80% من نساء مصر يرتدين الحجاب بدأوا في خطا حثيثة محسوسة في إدخال عناصر محجبة في الإعلانات.. وإن كان -من باب احترام التقاليد- لابد من ظهور خصلة مصبوغة من تحت إيشارب الحجة فلانة وهي تحكي عن الزيت العلاني لابنتها الترتانية التي -من نفس الباب- ترتدي الإيشارب بالربطة السبانش مع الحلق والمكياج الكامل.. في البيت !

هذه الرواسب تجلت مؤخرًا في أعمال إحدى "كبار الفنانين" المشخبطين بإحدى الصحف "القومية".. ولا أدري حقًا عن أي "قوم" تعبر هذه الصحف وهذه الرسومات.. فالشخصية الكاريكاتيرية الأساسية لرسومات هذا الأخ الكبير هي الرجل الملتحي الذي يرتدي جلبابًا أبيض.. وهو يظهرها - بإبداع فني لا مثيل له وتلميح عبقري- على أنها صورة المسلم المتدين.. فإذا أحسنّا الظن وقلنا "لأ عيب.. ده عايش في بلاد مسلمة برضه وأكيد شايف الناس حواليه"..

طيب.. إذن هذه هي صورة الشخص المتشدد.. الله ؟ طيب ما البابا شنودة ملتحي.. ونصير شمة ملتحي.. وجيفارا كان ملتحي.. وأي طالب طب في امتحانات آخر السنة من طول قعدة البيت والاكتئاب بيبقى ملتحي برضه.. والجزار يرتدي جلبابًا أبيض.. وجدي الله يرحمه لما كان يروح المصيف كان بيلبسها برضه.. إذن فالاستنتاج الأول الذي نستنتجه عن "فكر" هذا الفنان الكبير أنه يرى البابا ونصير شمة وجيفارا وطلاب الطب والجزارين وجدي -الله يرحمه- من المتشددين.. !

الحِلم سيد الأخلاق كما يقولون.. وقد سكت طويلاً على التلميحات السخيفة والتي لا تمت للواقع بصلة- ولا ببصلة حتى- من هذا الشخص حتى بدأ العيار يفلت بالفعل.. فالفنان المبدع لم تنل بصقات ريشته العرجاء فقط أي شخص يطلق لحيته من باب معرفته وإيمانه بأن هناك مذهبًا دينيًا محترمًا -وهو مذهب الإمام الشافعي- يوجب ذلك (وليس من باب "أصلهم بيقولو..") أو أي شخص يعمل في مجال الدعوة ويهتم بأن يبدو مظهره لائقًا ومناسبًا لعصره.. وإنما بدأ التطاول مؤخرًا على أشياء لا يمكن تفسير تطاوله عليها إلا بالجهل التام أو باللامبالاة التامة..

خذ عندك يا سيدي.. قامت هوجة هوجاء في البلد وطلعت نخلتان في العلالي اسمهما "فتوى إرضاع الكبير وفتوى التبرك ببول الرسول".. وأخذ الناس -من كل صنف ولون وثقافة- يجلسون تحت النخلتين ويلوكون البلح ويبصقون نواه وهم يثرثرون في "مفتيي آخر زمن"..

ولكن بعض الناس من كارهي البلح -أمثالي- آثروا أن يقاطعوا النخل ويشاهدوا ظهور د.علي جمعة (مفتي الديار المصرية) مرتين في برنامج البيت بيتك وبرنامج اليوم السابع ليرد على هذه الترهات ويرفض أن تُساوى إجباته على تساؤل شخص عن صحة حديث بفتوى فردية تراجع عنها صاحبها وردها جميع العلماء.. وإني لأستغرب كيف أن أحدًا غيري -حتى الآن- لم يجمع الناس تحت شجرة جمّيز حتى ويحكي لهم الحكاية الغريبة التي ذكرها د.علي -بحِلم وتماسك أغرب- بشأن موضوع التبرك هذا..

فقد قال أنه بعد ذات صلاة جمعة.. جاءه أجنبي يخبره أنه دخل في الإسلام.. طيب خير.. ولكنه كان يريد أن يتأكد من أن السبب الذي شجعه على الدخول في الإسلام -كما سمعه- موجود بالفعل في الدين.. طيب اسأل.. السؤال هو: ما مدى صحة الحديث الذي يحكي عن أن هناك صحابية شربت بول الرسول وهي لا تشعر ولما علم الرسول بذلك ضحك وطمأنها قائلاً "إنك لا تشتكي بطنك بعد يومك هذا أبدًا" ؟ .. الإجابة: هذا حديث صحيح.. لكن، ما علاقة ذلك بالدخول في الإسلام ؟!..

وإذا بالرجل يخبره عن مؤتمر طبي عُقد في ألمانيا عن فوائد البول وأن به مواد كذا وكذا وأن من ضمن هذه المواد مادة معينة يمكن استخدامها في علاج أمراض الأمعاء ! ولما سمع الرجل بأمر ذلك الحديث لم تثر انتباهه الحادثة ذاتها (التي وقعت بطريق الخطأ) ولكن جملة النبي "إنك لا تشتكي بطنك بعد يومك هذا أبدًا" التي اعتبرها هو إعجازًا ما.. طيب يا مولانا وبعدين ؟..

والتلاميذ -في أثناء التحضير للكتاب الذي ورد فيه السؤال- كتبوا السؤال بالإجابة ولم يكتبوا تلك القصة منعًا للتطويل ولأن المفتي -صاحب الكتاب- لم يكن متأكدًا من أمر مؤتمر ألمانيا هذا.. وهو ليس طبيبًا فلا يستطيع الجزم كذلك.. سبحان الله يا مولانا.. إني من معلوماتي الطبية الكسيحة أعرف دوائين يتم استخراجهم من البول البشري ! أحدهما -الذي بقى في ذاكرتي- هو اليوروكاينيز الذي يستخدم في علاج أمراض الدم ويعتبرونه "دواء الفقراء" في مصر لرخص ثمنه..

وهذا من منهج الكلية الذي يتقدم بسرعة سلحفائية.. فماذا عن دول العالم المتقدم ؟! وضعت يدي على خدي وأنا أسمعك يا مولانا.. قلت أن مؤتمر ألمانيا هذا صدر عنه كتاب.. ولم أسمع عن "مثقف" واحد من الذين خاضوا فيك بحث عن هذا الكتاب أو سمع عن المؤتمر أو حاول التأكد من وجوده أصلاً.. قلت أنك لم تصدر بتاتًا فتوى بجواز التبرك بشرب النبي (بغض النظر عن استحالة وجود بول النبي حاليًا أصلاً ! ) وأن ما قلته كان مجرد إجابة عن سؤال ضمن مائة سؤال وردوا في كتابك بشكل مختصر تسهيلاً على الناس وجمعًا لأكبر عدد من الأسئلة التي ترد عليك يوميًا..

ولم أجد من يفهم الفرق بين "الفتوى" والحكم" غير من يُعدّوا على الأصابع.. أنظر للتليفزيون من ناحية.. وأنظر من ناحية أخرى للرسومات التي حتمًا يعيش راسمها عصر بداية التسعينات حين كان الرجل الملتحي هو النموذج المكافئ للإرهابي.. أو ربما السبعينات والستينات حيث كانت العناصر الدينية مثارًا للسخرية والتندّر (راجع: مدرسة المشغابين "مارش عسكري… وقرآن").. أ

نظر من ناحية للرجل الذي أفنى عمره في تعلم وتعليم الدين باستنارة وبصيرة وصنفته موسوعة "ويكيبيديا" كواحد من أكثر العلماء من حيث الاحترام والإجادة على قيد الحياة.. وأنظر من ناحية للرجل الذي اختار اسمًا لشخصيته الكاريكاتيرية السخيفة يجهل -عن ظهر جهل- أنه الاسم الأول للصحابي الذي كان يُلقب بـ"كاتم سر رسول الله".. يا مولانا المفتي.. أعانك الله على "قومك".. يا مولانا المفتي.. "حِلمي" حلمك ! داليا إيهاب يونس

الحجاب حاجة... والأخلاق حاجة تانية!!!!!

جاني في الإيميل و لا تعليق لي الآن ..... انا مصدومة و لساني إتشل

مجموعة من الصور لفتاة تقبل تامر حسني

بطريقة مستفزة بعد أحد الحفلات، وأثناء ركوبه في سيارة الهامر

حلقة جديدة من الجدل بدأت في مسلسل المطرب الشاب تامر حسني مع الصحافة والنقاد في مصر، تامر الذي فشل حتى الآن في كسب ود الصحافة بسبب تصرفاته المتناقضة والشائعات التي تطلق عنه ويقال دائماإنه مؤلف معظم الأقاويل كي يعود وينفيها من جديد بحيث يظل دائما في بؤرة الإهتمام، بشكل يؤكد أنه لم يستفد من تجربة السجن رغم قسوتها .

ومؤخراً نشرت جريدة (وشوشة) الأسبوعية مجموعة صور لفتاة تقبل تامر حسني بطريقة مستفزة بعد إحدى الحفلات، وأثناء ركوبه للسيارة الجديدة التي يقال إنه حرص على امتلاكها كي يقلد النجم عمرو دياب، الجريدة رأت في الصور دليلاً جديداً على تناقض تامر الذي أعلن منذ فترة إعجابه بالداعية عمرو خالد، بعدما غني تترات برنامج (دعوة للتعايش) ، ورغم أن الفتاة تبدو في الصور وهي تجبر تامر على الإستسلام لها.

لكن الجريدة طرحت أسئلة مشروعة حول كل هذا الجدل الذي يثار حول المغني الشاب في كل وقت بشكل يجعل المعجبات يقمن بمثل هذه التصرفات بعدما قدم نفسه في صور الضحية دائما، حتى فيما يخص تراجع مبيعات ألبومه الجديد (يا بنت الإيه) الذي أطلقه فجأة رغم قرار تأجيله للصيف المقبل، ثم اتهم مهندس كمبيوتر بأنه وراء تسريب الألبوم للأسواق حتى يبرر انخفاض المبيعات، رغم أن المنتج نصر محروس عندما حرر محضر التسريب لم يتهم شخصاً بعينه، وحتى لا نكرر مرة أخرى الشائعات التي أطلقها تامر على نفسه، وطريقته في إدارة أزمة السجن، نكتفي فقط بالتساؤل، هل التزام المطرب يتماشى مع هذه الصورة وتلك التصرفات، وعندما حاولنا العثور على ردود أو إجابات من تامر لم يرد هاتفه المحمول بالطبع، ولا على أي رسالة قصيرة، كما نصحنا بعض المقربين منه، والذين يدافعون عنه دائما ويقولون عن هذه الصور تحديداً أن الفتاة هاجمت تامر وكادت تسقط على الأرض من فرط الانفعال مما اضطره للامساك بها !! .

تحديث...

تعليق صغير على المكتوب... انا مش شايفه اي سبب يتهاجم علشانة سعادة البيه... ما علينا من اللي نعرفه عنه... فمالوش لازمة التحامل عليه في الموقف ده و خصوصا إنه واضح إنه مصدوم من الموقف... مع العلم إني مش من اتباع البيه ولا مريديه... كفالله الشر
اللي مش فاهماه عدم التعليق عن تصرفات (المحترمة) دي
و لسه عندي اللي يتقال بس أركز الاول

نرجسية و فرض رأي

أنا شفت نرجسية و غرور و أنانية في المنتديات بشكل لا يوصف.... شفت ناس و يا ريته جيل من مرحلة سنية معينة لأ ده من كل الأعمار كل همهم إنهم يقولوا أنا أهو... شفت ناس أجاركم الله عندها عقد نقص و كلاكيع
شفت أساليب أقل ما يقال عنها إنها ركيكة و تهويل لا مبرر له و ردود و موضوعات في منتهى التخلف الفكري و الثقافي و الذوقي
شفت تهويل و (فشر) و محاولات غريبة لفرض الذوق الشخصي على المحيطين
وشفت تفاهة ما بعدها تفاهة

و ربنا يشفي

***********************

زهقت من التكرار الموسيقى؟

زهقت من السطحية الموسيقية اللى اصبحت حواليك؟

نفسك فى مزيكا تمس احاسيسك و اعماق اعماق افكارك؟

حمل أول ألبوم رسمي لقسم الميتال!!!!!! واعرف يعني ايه فن

***********************

الجملة اللي فاتت مكتوبة بالشكل ده مع حذف إسم الألبوم و الصورة الصغيرة جداااااااا في أحد المنتديات الشهيرة!!!!!

موضوع التواقيع في المنتديات يتعمل فيه مجلد لوحده وتقدر تحلل منه شخصية البسر اللي ممكن تتعامل معاهم في يوم من الأيام

حملتنا مستمرة

حد يقوله يتنيل



قاطعوا هذه النوعية من البشر... قاطعوا جميع الجرائد... رسمية أو معارضة... كله أسوأ من بعضه

حالنا يحزِّن... ولا عزاء لدين ولا لأصول

قرأت الموضوع ده لبلو روز و سرحت بعدها أفتكر كل المواقف والأخلاقيات اللي بقيت بشوفها من المصريين رجالة وحتى الستات

*********

وأنا مع جوزي في العربية.. ييجي واحد و يكلمه (في محطة البنزين مثلا) ميكلموش إلا من الشباك اللي جنبي... بس علشان ياخد لقطة لأي ست قاعدة... بتحصل بردو إن أي عربية تعدي جنب أي عربية في الشارع كل اللي فيها لازم يبصوا على الست اللي قاعدة

أي واحدة تمشي في الشارع ممكن واحد محترم جدا يخبط فيها لأن سيادته ماشي يشوح بإيده و في الآخر يبص ليها بتعجب هي مستنكرة ليه و هو حصل إيه يعني... ده بفرض إن الموضوع اساسا صدفة

زمان كان اللي يقف في شباك بيتهم يبص على بنت الجيران و هي بتنشر الغسيل يتجرَّس... دلوقتي عادي جدا تلاقي واحد طالع مخصوص على السطح علشان يتفرج على الستات جوه بيوتها... ولا مانع من تصويرهم بالكاميرا كمان ولو جوزها وقفله في الشباك ولا التراس المحترم هيبص بكل بجاحة و يقوله ... فيه (عاجة)!!!!!

إمبارح و إحنا بنشتري طلبات البيت لقينا الناس ماشية في السوبر ماركت زي ما بتمشي في الشارع بالضبط... يعني لو واقفين في مكان لازم يسدوه حتى لو يعدي عشرة و أنا واقفة ببص على حاجة و سايبه المكان جنبي فاضي يعدي الناس مع العلم إن الممر لاتنين لقيت واحدة بتزقني أنا و الكارت و بتقولي... (وسعي كده) ولا عزاء للذوق

اللذيذ إن الشعب المصري دايما بيتبع سياسة أبو بلاش كتر منه يعني بالرغم إن الكارت فيها كرسي للأطفال لكن ميمنعش ياخدولهم إتنين أو ثلاثة علشان الأولاد يجروا بيهم يمين و شمال و مش مشكلة يخبطوا في مين... كل رد الفعل الوحيد بيبقى... تعالي هنا يا حمادة متبعدش عني .. ولا حد يسمع آسفه ولا عيب يا ولد

زمان كان الشعب المصري معتز بثقافته و دينه جدا.... روح أي مول ولا في الشارع حتى هتتغير فكرتك 180 درجة .... ياللا يا (ضارلنج) نتصور إحنا و(الكيضظ) مع (صانتاكلوظ) ... جملة سمعتها في كارفور!!!!

في أو تي في ... بيعرضوا فيلم أميريكان باي وده للي مسمعش عنه فيلم أثار ضجة يوم ما نزل في أمريكا و تصنيفه إنه يحتوي على مشاهد و ألفاظ جنسية بشكل غير طبيعي.... بعدها بكام يوم كان ديفيلز أفوكاتو و فيه لقطة شهيرة ينطبق عليها التصنيف السابق... و بينهم حلقة لتعليم الرقص الشرقي للستات... و كمان لقطات من حياة المشخصاتي (تامر هجرس اللي مش عارفه هما لازقين فيه ليه في كل خبر) و هو بيعوم في البيسين
وكلام كتير عن إن دي سياسة القناة إنها تخاطب الشباب المتوسط!!!!! بلغتهم
أعتقد كمان إن هالة سرحان هتشرف القناة دي برئاستها... لأنها الاولى في هذا المضمار (مجرد توقع) ومتأكده إنه قريب هنلاقي أفلام بورنو بحته بتعرض في القناة دي اللي لا ليها دين ولا مله و ده بمناسبة ... العروسة إياها أم 3000 دولار

زمان كانت والدتي بتقول المشاكل اللي بينك و بين جوزك متطلعش بره أودة النوم
قرأت مدونتين بالنسبة ليا جداد مدونة طهقان و مدونة طهقانة
ممكن تكون الفكرة بالنسبة للبعض لذيذة... بالنسبة لي ده تجاوز للخط الأحمر.. تطورت الأمور لإن الجيران دلوقتي بقوا بيشاركوا المتزوجين مشاكلهم... و المدونتين دول هما التطور الطبيعي للحاجة الساقعة على رأي الإعلان.... يشبه المدونات دي تماما الموضوع اللي كانت واحدة بتكتبه كل أسبوع على موقع عشرينات
(أنا هاوريك يابن الك...... يا خ..... يا م....) جملة سمعت جارتنا (اللي من بحري و إتجوزت رجل أعمال ليبي) بتقولها لجوزها من كام يوم و هما بيتخانقوا ... تمت كتابتها مع الحذف من الرقابة
ولا عزاء للأصول

كلام غريب!!!!!

ورد لي بالإيميل ما يلي
الموضوع بصراحة غريب قوي و مش مفهوم بالنسبة ليا

welcome non-married men world wide to the global event.. now we can do it just like we want in the right way from the book.. try to collect what ever you own meanwhile for the long term honey mooners trip around ..practise your mind and body well... tents , fishing, hunting,horsing,boating,diving, along with ur next well bread brides.. just like @ paradise
our basic life will be in (((4 wifes))) between 8:40 years old
you will choose them after they did...
that is every`s male share least for paradise..
don`t worry about cost .. we will handel it easly together
if you understand it is must ...
when we reach the number 20000 non-married men....
we will meet all together
first meeting : egypt- north sinai- arish - sea side - old train.st
we hope we will start early summer
kindly send to all frnds...
***********************
note: we ordered to fight satan to back to paradise by this
note: we are sending to all countries
note: sisters ... it is all for your happyness forever pls assist
no - married females join the below link pls
note: more ((7 tourleaders ))are needed with me
note: we will learn the language of the everlasting life the most expressive tounge that called arabic
note: we will learn what is it all about
note: we will learn what is creatures rights
note: we are all as aadams brothers and sisters
note: we love babies that much
note: we ... forever

may allah reward you for teaching us

Our daily ACTS from our BOOK while travilling

1/ sunset & evening shorten salah(( prayers))

2/ a lecture

3/ dinner

4/ praivacy ((intercourse) )

5/ light walk

6/ midnight sleep

7/ privacy

8/ dawn salat

9/ breakfast

10/ a lecture

11/ walk (( fishing & hunting ))

12/ rest

13/ preparing

14/ noon & afternoon shorten salat

15/ lunch

16/ privacy

17/ siesta

18/ leasure time

19/ a walk

الراحمون

إنضمت لينا الآنسة ميستي كخطيبة لسموكي ( القط)
للاسف الآنسة ميستي كانت تدبيسة.... لكن نصيبنا إنها تقع في إيدينا.... لو كانت وقعت في إيد حد تاني كان رماها
واضح جدا إن الناس اللي كانت عندهم كانوا بيعتبروها مجرد مشروع و ليست روح
الآنسة ميستي تعاني من إسهال مزمن وآلام بسببه (واضح من الاعراض إنها ديدان) وعمرها لا يتعدى 40 يوم.... طفلة يعني
لم يتم تربيتها او تدريبها!!!!!
طب مادامت هي مشروع مربح بالنسبة لأصحابها كان من الاولى تدريبها... أي حد تاني ممكن يرجعها في التو واللحظة و خاصة بسبب رائحة الفسيخ التي تفوح منها واللتي لن تختفي إلا عندما يتم علاجها و مين يعرف
حاجة تانية.... النهم الشديد اللي عندها و اللي أسبابه معروفة لكن الغريبة إنها بتنام جنب الاكل مما يدل على إن أصحابها كانوا مبيأكلوهاش من الأساس او سايبين الأكل للي يلحق و بحالتها الصحية لا يمكن إنها تقدر تحارب علشان تأكل
سموكي أول ما شافها حاول يخدشها و يضربها علشان يثبت تفوقه طبعا و إنه ملك المكان.... الغريبة إنها ولا كأنها هاممها... و ده معناه إنها واخدة على البهدلة من الأول
النضافة مسمعتش عنها... و عندها شعور رهيب بالخوف و عدم الامان و الحرمان
غير مستعدة تماما للتعلم بعكس سموكي كان ذكي و نبيه و مخدش يوم في تعليمه كل الأساسيات و مغلطش من وقتها ولا مرة واحدة ماشاء الله عليه
الخلاصة.... الناس اللي بتتاجر في الارواح (إذا تغاضينا عن النقطة دي من الأساس) بتتعامل معاها كمجرد شيء... و ليست كروح بتحس و بتتعب و محتاجة تعليم ... على الأقل يكون المشروع مربح أكتر
حد يعرف الحديث اللي بيقول: الراحمون يرحمهم الرحمن
دلوقتي إنتوا عرفتوه بس يا ترى أصحابها كانوا يعرفوه؟؟؟