إيران

الإعلام إياه معتبر الرئيس الإيراني ( أهطل وبرياله) وفاكرين إن تهديد القوة العظمى إياها (بردو) ليه ممكن يجيب فايده و يخوفه
وناس تانية بتناقش هو يقدر يعملها ولا لأ و ناس تانيه معتبراه أخو هتلر الخالق الناطق!!! مش كده
طب حد فكر إن الرئيس ده هو الوحيد اللي عرف يحسبها صح و إنه الوحيد اللي يقدر ينفذ تهديداته (ماهو المجنون ممكن يعمل أي حاجة) ويا بخت دي بلد بمجانينها
حد أخد باله من الإسلوب اللي بتمارسه أمريكا ضد إيران بمحاولة إستقطاب شعب إيران (الشباب بالأخص) ليها بدعوى المطالبة (بالحرية والديمقراطية)
ضفت ريبورتاج تليفزيوني في قناة إيه بي سي عن الشباب الإيراني و إتجاهاته (العصرية) ولقاء مع واحدة إيرانية علشان تقول إنها بتحب أمريكا و نفسها هي و ال (بوي فريند ) يروحوا هناك علشان دي بلد الحرية؟؟ واخدين بالكوا من الضرب تحت الحزام... ماهو مبيضربش تحت الحزام غير اللي عارف إنه ممكن يخسر
الشباب بيطالب بالتغيير و الحرية و الديمقراطية حاليا و طبعا أكبر نصير لكده أمنا كلنا ( أمريكا)  وعلى رأي إخوانا الأمريكان نصراء الحرية و الديمقراطية

(God Bless America)

Technorati Tags: إيران، Iran

As Usual!!!.... كالمعتاد

في الأهرام

في تقرير العفو الدولية
انتهاكات حقوق الإنسان مستمرة في أمريكا وبريطانيا والشرق الأوسط

مفيش فايدة في نظام المحلسة و مسح الجوخ... زي ما كل كارثة تحصل في مصر نلاقي الجرايد خارجة لينا بأخبار مماثلة حصلت في كوالالامبور و البرازيل... بنفس الأسلوب الفبي في محاولة فاشلة لمقارنة اللي بيحصل عندنا و اللي بيحصل عند غيرنا و الخروج بالنتيجة المطلوبة و هي إن إحنا زي غيرنا و طبعا النتيجة لازم يخرج بيها القاريء مش تتقدمله على طبق من فضة علشان ميحسش إنه موجه للهدف ده رغما عنه
بس المرة دي واضحة قوي و دي أسوأ حاجة... إحنا عارفين إن اللي بيحصل عندنا بيحصل في كل حتة في الدنيا حتى بلاد الواقواق بس مش كده...
إذا بليتم فاستتروا

As usual, our official egyptian newspapers must put some new news talking about some issues like what's hapening here in Egypt, as they tell us (you're not alone) so shut up!!!! but they let us to get the comparison results ourselves.
Today I found that article in El-ahram newspaper about human rights & that people suffer all over the world  even in the US from issues related to it, but this time it was so clear how it's related to what's happening in the late  demonstrations..... & the message was more clearer to SHUT UP

Technorati Tags: Egypt, Newspapers, مصر، جريدة الأهرام

همجية متأصلة

أنا مصرة إن البلد دي هاتفضل متخلفة طول ما ناسها هيفضلوا همجيين... بلا مظاهرات بال مش عارفه إيه...... شعبنا فعلا مينفعهوش غير المعتقلات يمكن يتأدب
إحنا ناقصنا الأدب لما نكون همجيين لدرجة تدمير بلدنا بإيدنا....
في برنامج البيت بيتك عرضوا الأوتوبيسات الخاصة بالأهلي و اللي قام أنصار الإسماعيلي بتدميرها بعد المباراة
وفي الآخر تقولوا المعتقلات و الإعتقالات و الحكومة... حكومة إيه دي البلد كلها عايزة تتعدل... صلحوا عقول الناس الأول
و مصيبة تانية
البورصة تقع من هنا و الناس توقعها زيادة من هنا و كله يجري يبيع و ميهموش بيت مين يتخرب مادام هو هيلحق نفسه.... إحنا شعب عايز يتربى ويتعلم وبعد كده يطالب بحقه
ولا أقولوكوا... خليها تخرب ولا (إياكش تولع) ماهو إحنا لازم ناخد فوق دماغنا علشان نفوق

Technorati Tags: الأهلي، الإسماعيلي، رياض

Bird Flue.....أنفلونزا الطيور

النهاردة و أنا بتصفح موقع مصراوي.بمناسبة ظهور بؤر جديدة لأنفلونزا الطيور. لقيت إستفتاء وهو سؤال بيقول: هل أنت راضي عن تعامل الحكومة مع أزمة أنفلونزا الطيور

ناس كتير إتكلمت و قالت لو حصل كذا و حصل كذا و الحكومة مطنشة و الشعب إتبهدل.... و كلام كتير مش معجب بحكومتنا و أنا معاكوا إن الحكومة بتاعتنا مليانة عيوب
بصراحة الناس اللي بتتكلم دي بتتكلم على أساس إيه... تعرف إيه ؟؟؟
فيه ناس إتكلمت و منهم محافظ القليوبية كان ليهم وجهة نظر تستحق الإحترام... أما الناس التانية اللي واخدة موضوع أنفلونزا الطيور كحجة لمهاجمة الحكومة (وخدوا بالكوا أنا مش بدافع عنها) أنا بس ضد الهجوم عمال على بطال و إستخدام كل الأساليب و الأسباب ضدها مهما كانت واهية
تسمحو تقولولي الحكومة تعمل إيه مع واحدة من اللي ماتوا بسبب إنها خبت وجود طيور منزلية عندها ولما مات منهم كتير مبلغتش عنها؟؟؟
أنا شفت إعلانات كتير بتوجه الناس لكيفية التصرف.... ومفيش حد فيكي يا مصر مش بيشوف التليفزيون دلوقتي... حتى قنوات الدش بقت نزيل دائم في البيوت و اللي معندوش بيروح القهوة يتفرج وأي جديد بيحصل بينتشر زي النار في الهشيم في بلد زي بلدنا.. طبعا مع التعديلات من كل واحد بينقل الخبر علشان يضفي على الخبر شخصيته
قولولي في بلد فقيرة زي بلدنا و الناس الغلابة اللي فيها كتير... قولولي إيه أحسن حل لتفادي أزمة أنفلونزا الطيور؟؟؟
يعني أكتر من الغرامات اللي محدش هايقدر عليها تعمل إيه؟؟؟ و بالرغم من كده محدش بيبلغ عن جاره ... هنا بقى الناس بتخلط ما بين العلاقات الشخصية و المصلحة العامة واللي هاتعود علينا كلنا
العيوب اللي في حكومتنا موجودة فينا كلنا و شبابنا اللي بيعترضوا دلوقتي منهم اللي هايبقى وزير الصحة ولا وزير الأمن.. يعني إحنا نفسنا فينا العيوب دي.
لأن بكل بساطة ده طبع شعب

I found a pull asking if people feel satisfied about how our people are satisfied towards the reaction of our government for the bird flue.
I have this point of view about that people are the mairn reason for spreading it, not the government & I hate to use the government failur card everytime we talk about our countries problems.
when those ladies died, they died cuz they didn't tell that they have birds in their homes, they didn't tell when those birds died, their neighbours didn't tell about them, cuz they will have to pay a penalty.. a huge one, in a poor country like ours it's hard to do so.
We have this problem when we mix between personal relations & what's right to do.
The government did their best & the TV channels & newspapers are full of adds of the directions of how to deal with it.
the main problem is not in our government.. it's in our society itself

Technorati Tags: Bird Flue, Health in Egypt, أنفلونزا الطيور، المجتمع المصري

powered by performancing firefox

If women stayed at home.....لو الستات قعدت في البيت

يا ترى هايحصل إيه لو الستات قعدوا في البيت بعد ما يخلصوا تعليم؟؟ أنا هاقولوكوا :
1- مش هايبقى فيه شباب عاطلين
2- أولادنا هايتربوا كويس .. لأن الست مش هايبقى وراها غيرهم... لاحظوا حالة الإنحطاط الأخلاقي اللي أولادنا وصلولها
3- الست هاتستريح وتلاقي وقت لنفسها و بكده هاتعرف تهتم بنفسها و ميبقاش عندها حجة
4- أعصاب الستات هاتستريح لأنها مش هاتتبهدل كل يوم في المواصلات ولا حد هايضايقها عمال على بطال ولا هاتبقى قلقانة على حلة المحشي اللي نسيتها على النار
5- الرجالة مرتباتهم هاتزيد لأن العمالة الزايدة إختفت
6- مفيش راجل هيتظلم في شغله علشان واحدة ست
7- الست هاتبقى مدللة جدا لأنها هتاخد بالها من جوزها وبكده جوزها هايبقى أسعد وسعادته هاتظهر في تعامله معاها و مع أولادها
8- طلباتها ومشترواتها مش هاتزيد بحجة إنها بتشتغل و محتاجة لبس دايما علشان تظهر بالمظهر الملائم
9- بيوت كتير هاتتعمر بدل ما تتخرب بسبب السكرتيرة ولا صاحبتك اللي موراهاش غير إنها (دودودو) و تقومك على جوزك... ده غير إنها مش هاتفضل تقارن بينها و بين غيرها و تعلن الغضب والعصيان على جوزها اللي ماشتراش ليها خاتم دهب زي زميلتها.
10- الأنشطة هادفة كتير هاتظهر زي زمان... أيام الخير

أيه رأيكوا... كده مشاكل كتير إتحلت... أنا مش ضد المرأة لأن أنا نفسي إمرأة... لكن أنا ضد البلاوي اللي بتحصل دلوقتي و اللي حلها بمنتهى البساطة في إيدينا بس
نفتح عقلنا... وبلاش و النبي نغمة ما يقعد هو في البيت و أشتغل أنا وإسألوا ستات أمريكا...

If women stayed at home in our country after having their degree many problems will be solved
1- all men will find jobs
2- our kids will be raised vey well,, as our kids manners became like sh.....
3- women will have time to take care of theirselves
4- women's tempers will be great,, they won't have to face all that usual problems in work & transports or else
5- Men will get more salaries
6- nobody will treat a man unfair because of a woman
7- women will be spoiled as they take care of their men so men will take care of them back
8- women won't do a lot of shopping
9- a lot won't get divorce cus there'll be no female secretary or a girlfriend makes he angry
10- a lot of important activites helps society will appear as it'll be women field as old days

I'm not againest women as i'm a woman myself,,, but i'm againes what's happening in our society & can be solved so easily if we give it a little thought.. just to see women in the USA want to return back home can give us a good idea... or do we have to walk a long that experience ourselves to get the same results?????

Technorati Tags: women, work, society, المرأة ، المجتمع ، العمل
powered by performancing firefox

يخرب بيت التكنولوجيا

شاء حظي العاثر أن أصاب بنوبة قلق أول أمس
طبعا أول شيء ممكن أعمله إني أفتح التليفزيون لعلي أعود للنوم ويا ريتني ما عملتها
بعد تقليب في القنوات ... حبيت إني أعرف إيه آخر أخبار الأغنيات... أصلي بطلت أتابع من زماااان
و ما شاء الله على التقدم و التطور (الطبيعي للحاجة الساقعة) فعلا حاجة ساقعة صحيح
كنت أدافع عن الأغنيات الغربية بأن ما يتم عرضه من كليبات لها لا تختلف عن عاداتهم كغرب لا يؤمنون بشيء ولكني كنت مخطئة
المشكلة مش في عرض الأغاني في حد ذاتها ... المشكلة في إختيار ما سيعرض.. وطبعا عارفين إن قنوات الأغاني موجهة لفئة عمرية معينة مع إدعاء العكس
ولجذب هذه الفئة العمرية.. يتم اللعب على أهوائهم و ما سيوجه إنتباههم لهذه القناة
ومن هنا تبدأ المشكلة... أغاني هابطة و كليبات في منتهى الإسفاف... بالرغم من وجود الكثير الذي لا يثير حفيظتنا ولكن سبحان الله دائما يقع إختيارهم على نوعيات معينة
أم الأغاني العربية فحدث ولا حرج بعد غزو الشعب اللبناني (كله) لها و دخول عاداتهم والتي قطعا تختلف مع عادات باقي المنطقة العربية والتي هي أقرب للغرب ولا تعرف معنى كلمة عيب ولا حرام ولا غلط فكله مباح لديهم مع أنني عندي فكرة مختلفة سواء عنهم أو عن الغرب... لكن لغة المكاسب لا تترف بكلمة عيب أيضا
ومن هنا ظهر لنا الموضة الحديثة والتي تدعى (البورنو كليب) ولما نيجي نتكلم عن أحوال شبابنا نلوم مين ولا مين... ما خلاص
أكثر شيء فعلا بستغربه هو أن دور الأهل في التوجيه إندثر وتضائل لدرجة إن اللي بيوجه دلوقتي الأبناء و ليس الآباء!!!! رأيتها في قناة اليوم عندما كانوا يتحدثون عن دخول الدش الي بيوت الفلاحين و ما هو تأثيرها عليهم ورأيت إحدى الفتيات والتي قطعا معاها (الدبلون) بكل فخر تتحدث أمام والدها عن أهمية الدش للفلاح والذي يعلمه الطرق الحديثة في الزراعة... لأ وما شاء الله عليها وهي صابغة شعرها باللون الأصفر... ووالدها صاحب (النخوة) والذي دعاها لتجلس أو لأقل (تتحشر) بينه وبين المذيع المستفز إياه الكبيييير جدا
سامحوني لما أقول(يخرب بيت) التكنولوجيا وبلاويها اللي حلت علينا وبالرغم من كده مازلنا مجتمع متخلف.... يا ترى ليييييه

Technorati Tags: مجتمع، عربي، متخلف

العلمانية في أبهى صورها

حقيقي أنا مصدومة، للأسف معنديش تفاصيل الموضوع لأني كنت في مرحلة الإستعداد للنوم لكن كفاية أقول إن بلدنا فعلا ربنا غضبان عليها وهيفضل غضبان عليها طول ماعندنا ناس نسيوا كل حاجة ماعدا رغبتهم في الظهور و الإختلاف عن المجتمع و الرغبة الشديدة في الخحلص كل ما هو قديم بحجة التقدم و التحضر حتى لو كان هذا القديم تعاليم الدين
بالأمس شاهدت جزء من برنامج للمذيعة شافكي المنيري يذاع على القناة الاولى أو الثانية... للأسف لا أتذكر وفيه كانت تناقش حق المراة في ممارسة الرياضة و كانت مستضيفة أحد الشيوخ الأجلاء (ينتهي إسمه بالينا) ومن متابعتي لإسلوبه لا أعتقد أنه متشدد و الضيف الآخر رئيس تحرير جريدة ( أعتقد أنها جريدة نص كم) والشيخ كان واضحا في كلامه بأن للمرأة حق ممارسة الرياضة مادامت في مكان لا يكشفها فيه الرجال ..ز يقوم الأستاذ المحترم رئيس التحرير يعترض و يتشنج ويحرف الكلام و يقول يعني منلعبش في الأولمبياد علشان نقول للغرب إننا متحضرين و نسمح للمرأة بمزاولة الأنشطة بما فيها الرياضة بعكس السائد عنا..ز فيقول الشيخ أن هكذا تريد أن تنال رضا الغرب لا رضا الله... فيتشنج الآخر و ينفعل ويعلي صوته ويقول هو كل حاجة لأ لأ لأ عقدتونا و كرهتونا في دينا و عيشتنا و أخذ يعلق جانبيا على كل ما يقول الشيخ بإسلوب أنا إعتبرته مستفزا ومقززا لدرجة أن زوجي طلب مني تغيير القناة
مش عارفه أقول إيه..ز أنا لست بمحجبة وأنا غير فخورة بذلك.. و بالرغم من عدم حجابي أنا عارفة إنني مخطئة (ولا طاعة لمخلوق في معصية الخالق) ولا أجاهر بأني الصح و الباقي غلط وكلام من نظام أنا مش بعمل حاجة وحشة ومحجبات كتير بيعملوا!!! يعني من الآخر معملتش زي الأستاذ الصحفي و طالبت بتعديل الدين بناء على النوايا الحسنة.
اللي فعلا إستفزني إن الراجل كل ما يتشنج ينفعل معاه الحاضرون و يصفقون له كأنه فتح عكا... حسبي الله ونعم الوكيل فيه وفي أمثاله... الناس اللي رافضة تعاليم دينها علشان التحضر و التقدم... الناس دي سبب الكوارث اللي نتحصل في بيوتنا دلوقتي زي:
بابا إنت ليه مش بترضي تخليني أتأخر بره البيت ماهو أصحابي هيوصلوني و أنا مش بعمل غلط (متبقاش دقة قديمة)!! والتانيه تقول لجوزها يعني إيه ملبسش مايوه ما الناس كلها لابساه على الشط و محدش فاضي يبص لحد!!!! الناس إتجننت ولا تعليق أكثر مما سبق
أظن الفكرة وصلت ومرة تانيه حسبي الله و نعم الوكيل

Technorati Tags: الإعلام، الدين

New terms in arabic language كوول يا مان والمجتمع الذكوري

لغتنا العربية يسر لا عسر... ده كان زمان... وطبعا لما طه حسين قال كده وقال إننا نقدر نضيف ليها مفردات وعبارات لم تكن موجودة من قبل ... أكيد مكانش قصده اللي بيحصل الأيام دي، دلوقتي كلام غريب ومصطلحات أغرب دخلت على أحاديثنا و كلامنا و تعليقاتنا لا دخل لها بالعربية
كوول يا مان و روشنة.. أصل شببابنا ( المثقف) ثقافته بقت لاوندي ... مش كده، بالرغم طلبعا من إنه مبيعرفش يقرأ كلمة إنجليزي صح!!!! طبعا كل الهدف إنه يبقى (روش) وعلى الموضة.... الموضة اللي خلتنا منعرفش الراجل من الست .................
أما بنات الأيام دي فلازم تلاقي وسط كلامهم مصطلح (مجتمع ذكوري).... أكيد طبعا فكل بنت بلغت من الثقافة مبلغها كأن كل واحدة منهم شايلة في شنطتها كتاب تقرأه ولابسة نظارة

يا سلام فعلا العلم (نورون)....مش كده

كفاية تقليد و إدعاء الثقافة الوهمي ده... ما إحنا عارفين التعليم وبلاويه... عايزة تقولي إنك معترضة على قوامة الرجل ماشي قوليها صراحة... عايزة تقولي الرجالة أحيانا بتستخدم مصطلح القوامة غلط... أن معاكي قوليها ... لكن (مجتمع ذكوري!!) واضح طبعا إنها ترجمة حرفية وأنا شايفة إنها ترجمة سخيفة و إستخداماتها أسخف لدرجة تشعرني بالتقزز من المصطلح السخيف ده.
لأ وكمان كلام بنردده في المواقف بدون فهم و نستخدمه غلط لتحقيق مصلحة ما
الست لما تحب تقول لجوزها إنت صعب معايا ولا خف عليا شوية تقوله ( الرسول قال رفقا بالقوارير) وده أدل دليل على إن الدروس الدينية اللي بتحضرها الهانم المثقفة فعلا بتتعلم منها!!!! طب هي أخدت بالها من الأخت في الله بتقول الموقف ده حصل إمتى وكان معنى الكلام ده إيه ولا كانت مشغولة تتكلم مع صاحبتها اللي بتقابلها في الدرس؟؟!!! وفي الآخر بتردد كلام وخلاص.. بدون فهم و بتصل لدرجة الإيمان بمصداقيتها
كفاية تقليد و كفاية إختراعات (عفوا إفتكاسات) و كفاية التشدق الدائم بكلام مالوش لازمة وخلينا محددين وواضحين، و ياريت نرجع للبساطة في حياتنا اللي بقت في منتهى التعقيد ولا تنقص كلام فارغ كمان....

و بمناسبة المجتمع الذكوري و كثرة ترديد الكلمة دي و إيمان معظم البنات بيها و تزايد نسب العنوسة و الطلاق!!! أعتقد أنا فهمت ليه جوزي بيجيله عروض دردشة للصداقة و الحب و غيره من ... رجال مصريين محترمين و (ملو هدومهم)!!!! و عجبي.....

I'm wondering about those new terms & expressions that became a part of our conversations & how it's ugly that makes me feel sick!!! most of guys & girls are repeating it just to impress others or gain some respect or to prove how cultured they're!!!
I just hate that kind of people that repeat everything like parrots without brains to think,,
I wish to return to our simple lives without complicating it more with such nonsense talk

Technorati Tags: new terms

powered by performancing firefox

Demonstrations تظاهرات

بداية من هذه التدوينة سأكتب باللغتين العربية و الإنجليزية
لاحظت أن هناك زائرين ولكن لا يوجد تعليقات، ربما لأننا كمصريين لا نحب اللغة الإنجليزية كثيرا ولذلك ننساها بمجرد إنتهاء الدراسة، ولكنني كنت أحاول تحسين لغتي الإنجليزية فلم أكن طالبة في مدرسة لغات.
المشكلة التي واجهتها في اللغة العربية في معظم المدونات هي إستخدام العامية وليست الفصحى وأنا ممن لا يقبلون الحلول الوسط ، ولكن سأحاول.
في مدونة بنت مصرية تحدثت عن المظاهرات وكيف أنها ليست بالوسيلة الصحيحة للتعبير عن الرأي وخاصة أن الشباب المصري ككل شباب العالم بل وأكثر في إندفاعه وراء عواطفه وتهوره، مما يجعل عملية التظاهر فاشلة ، وهناك الكثير ممن يرددون الهتافات ويرددون الافكار بدون وعي حقيقي لمجرد إكتساب إعجاب من حولهم وللأسف الكثير يفعلون ذلك بلا تمييز.
هناك الكثير من الطرق لتغيير الأحوال:
الدراسة الجادة فإذا قلنا أن الدراسة لا فائدة منها ولا جدوى فلن نعمل بعد التخرج فإننا بذلك هدمنا أول (طوبة) في صرح التقدم وللأسف الكثير من الشباب يتعلل بإنعدام فرص العمل و سوء الأحوال في مصر ليبرر فشله دراسيا
التعبير عن الرأي يجب أن يكون (بالأدب) وليس بسب الدولة وسب الرئيس فلا تظن أن شعوب العالم ستحترمك وأنت لا تحترم رئيس بلدك ( حتى الأمريكيين ) يكرهون بوش وبالرغم من ذلك لم يخرجوا في مظاهرات لسبه و إنما للإعتراض فقط و (بالأدب ) أيضا
إبدا بنفسك وقالها كثيرون وهي مقولة صحيحة.. لا تقل أن هناك من لا يقوم بعمله بينما انت نفسك تتكاسل عن أداء واجباتك او دراستك أو عملك... لا تعطي رشوة ولا تتنازل عن دورك في الصف ولا تعطي الهدايا ولا ترمي ورقة في الشارع ( لأن الشارع أساسا غير نظيف) إبدأ بنفسك في التغيير و غيرك سيقلدك ( وما أشطرنا في التقليد ) علم أولادك الصدق.. علم أولادك إحترام الغير و علم أولادك إحترام النفس...
قد تكون خطة طويلة الأمد ولكن كلما كان التغيير بطيئا كلما كان ثابتا
قد يكون أولي الأمر غير أكفاء ولكن لا تتوقع من الإنسان أن يتغير بين ليلة وضحاها .ولا تتوقع أن من سيحل محله أكثر كفاءة لأن الكلام شيء و الفعل شيء آخر، عندما يكون الإنسان خارج المسؤلية يستطيع أن يقول الكثير وعندما يكون داخلها تتغير الأوضاع لأن الأمر الواقع يفرض نفسه.

Starting from this post I'll write in arabic & english, I noticed that there's visitors but without any comment so far, maybe because egyptian don't like english language & most of us consider it difficult & that's why we forget about it after finishing studying, I was just trying to improve my english , as I didn't graduate from an english school.
I noticed that most of arabic blogs using arabic slangs which is not acceptable for me, I don't like middle ways,, but I'll do my best.

In Bent Masreya blog, I have a comment about the demonstrations in egypt & that it's not the right way to express openions & visions, specially that our youth as all the youth in the world follow their hearts & their emotions & always rushing, that makes demonstrations fails also there's many just repeating other's ideas & openions without even thinking unfortunately.
there's many ways to change our facts
Learning & studying very hard as some of us say that it's a waste cuz there isn't work after graduating, but if we thought that way we'll stop going ahead,, this's the first thing we should do, but most of egyptians take the economic status as an excuse for their education failure.
Expressing points of view can't be disrespectly, we have to respect our government & our president, don't think that others will respect you while you don't respect anyone, even americans don't like bush, stil their demonstrations agianst him was so orgnized & respectlable.
Start with yourself, how could you ask others to do their jobs while you don't, start with yourself & others will do like you, teach your kids to be honest & don't lie, teach them to respect others & respect themselves.
Maybe it's a long time plan but it'll be really effective & will last till forever.
At last, maybe our governers are not good in their jobs, but changing takes time & it's easy for you to talk like this while you're outside the mess, but everything changes when you're responcible, facts change plans.

Technorati Tags: Egyptian demonstrations
powered by performancing firefox

Shopping & new trends... مشترواتي و الموضة

عندي مشكلة بقالها بدأت من حوالي 5 سنين... مش عارفة أشتري لبس ... ليه؟؟
بكل بساطة مبقيتش لاقيه حاجة تناسبني... الموضة الجديدة بقت تقرف بكل صراحة .. إما إني ألبس زي شاكيرا ولا ألبس ملابس المحجبات اللي بقت هيا كمان على الموضة أو ألبس زي والدتي او جدتي
اللبس البسيط الغير مبالغ فيه واللي ألوانه هادية إختفي من المحلات و حل محلة ملابس غريبة وألوان أغرب
أكتر حاجة بتستفزني في موضة الايام دي الموضة البوهيمية... ألوان متداخلة بلا معنى أو تناسق ولبس تحس إن الغسالة أكلته وهو بتغسل... و أرجع كل مرة من المحلات من غير ما أشتري حاجة جديدة و مرة تانية ألبس لبسي المعتاد على أمل يوم تعقل الموضة

It's been more than 5 years,,, since I bought a decent clothes to wear!!!
when I go for shopping lately i feel like i'm in a costume festival,, a lot of colors & no value, there's three directions for.
I'm searshing for some decent simple clothes to buy but usually I return without buying anything,,, even to wear like shakira or like my mother or to wear the new islamic trends ( which is not possible so far)
I look for the people in the streets & started to laugh, i can see: a veiled girl wearing hi-stomach or a fat lady exposing her body!! or a mother wearing tight pants.. not to mention the awful makup, I feel i'm in the circs ...... so i return back home & decide to wear my usual outfits.


Technorati Tags: misc.
powered by performancing firefox