وصلني في الإيميل الصور دي

انجازات محافظ الاسكندرية الجديد

عادل لبيب

و الحقيقة الموضوع ده كان خانقني الايام اللي فاتت
إسكندرية حالها لا يسر عدو ولا حبيب و أقول إيه
حسبي الله و نعم الوكيل في التخلف الحكومي
والجهل التخطيطي و التنظيمي
حد يصدق إن الشوارع كلها مكسرة و الكلام ده إبتدى إمتى.... في شهر مارس
موسم المصيف بعد شهرين تلاتة...
يا ترى يلحقوا يخلصوا قبلها و بنفس الجودة السابقة؟؟
طب لو هم بيعملوا كده علشان المصيفين مش يقسموا الشغل ولا الناس لازم تمشي تلاقي كل الشوارع مكسرة
إسكندرية مش طريق الكورنيش و بس فيه ناس عايشة فيها يا ناس يااااهو و عايزين يمشوا في شارع آدمي

6 comments:

مـحـمـد مـفـيـد said...: حتي كمان عروس البحر الابيض دمروها
احلي تابلوه فيكي يا مصر باظ
عليه العوض; Wednesday, 21 March, 2007
... said...: دة مش غباء محليات وبس
دة غباء بعض المحلات ساعات
مرة لقيت محل فول بيعمل تجديدات فى بداية رمضان
غبى

بس دة العادى
ان الاصلاحات تبقى فى شهور الذروة علشان نضرب السياحة الداخلية
امال مين هيضربها
؟؟؟; Thursday, 22 March, 2007
ALiaa said...: شكلك كنتي واخدة أجازة و قلتي تشمي هوا في اسكندرية... اكتئبتي أكتر
يمكن عشان جربنا نشوف اسكندرية نظيفة و حسيناها تجربة هايلة فامش عارفين نتقبل ان دا الأصل... الاهمال أصل التفكير في المحروسة; Thursday, 22 March, 2007
Me2nour said...: محمد مفيد:
عليه العوض ومنه العوض

حلم:
المشكلة إن المحلات اللي في الصور ساري عليها قرار الإزالة بشكل رجعي
المعروف إن المحافظ اللي فات لعبها صح.. قال مادام رجال الأعمال كده كده بيخرجوا رشاوي...هو يستغل الأمر و يخليها تبرعات منهم رسمية بتجميل الإسكندرية...و بكده منع الرشاوي وموقفش حال الدنيا وخلى إسكندرية عروسة
الجديد بقة قطع ميه ونور

علياء العزيزة:
الحقيقة الوضع اللي كنت بمر بيه كان وضع صحي
أما الإكتئاب فبفقد أساسا فيه النطق:)
ويا ريتها كانت أجازة...دانا عايشة فيها :); Thursday, 22 March, 2007
Anonymous said...: momtaz...walahi el wa7ed mesh 3aref kan men 3'eero haykasar el shaware3 de ezay :D
howa ezaher kan moodo we7esh 7abeteen :D
ya rab toob 3aleena ba2a :D; Saturday, 24 March, 2007
قلم جاف said...: حمد الله ع السلامة..عدت لتنوير الفراغ المحايد.. :)

دة أولاً..

ثانياً .. ليه الدنيا تقوم وتقعد لما اسكندرية ما يتظبطش فيها شارع في الوقت اللي عواصم بعض المحافظات الكبرى - على الأقل - بتعاني من العشوائية والتخبط الشديد في التخطيط العمراني؟ خدي على سبيل المثال المنصورة أو الزقازيق أو المحلة الكبرى والتلاتة من أكبر عواصم المحافظات المصرية من حيث عدد السكان..

دة ما يمنعش إن فيه عرف بيروقراطي فرعوني عندنا إن الجديد يتبع شعار "انسف حمامك القديم" مع كل ما سبق من إنجازات ونجاحات حققها من سبقه .. المحجوب حسب علمي مثلاً أجل هد مستشفى الشاطبي ، المحافظ الجديد مستعجل ع الموضوع.. تخبط بلا سياسة وبلا نهج واضح!

حاشية : كاتب هذه السطور لم يزر الإسكندرية بعد!; Monday, 26 March, 2007