الحمد لله عودة للتدوين... بس ما زلت محتاجة دعواتكم...
وشكرا لكل من تفضل بالمرور و علق بكلمة دعم و مساندة أو دعوة لله في لله و ربنا يجعل بيت المحسنين عمار :)
وشكرا لكل من تفضل بالمرور و علق بكلمة دعم و مساندة أو دعوة لله في لله و ربنا يجعل بيت المحسنين عمار :)
فيه مواضيع لما بكتبها أحب أأكد قبل ما أكتبها إني لا متطرفة ولا متحيزة.... لكن ميمنعش إني أتضايق زي البني آدمين أو يستفزني خبر و أخرج منه بسؤال أو فكرة
وزي ما هو واضح إن مدونتي مالهاش إتجاه خاص.... أقصد إني لست مهووسة دينيا أو سياسيا ولكن أنا مجرد إنسانة عادية بيدور في عقلها تساؤلات.... إتفقنا؟
خبر اليوم.... علامة تعجب كبيرة قويي !!!
الأنبا بيشوي يثير أزمة بين الطوائف المسيحيةدبوس النهاردة (إلهي و إنت جاهي و سندي و معيني يدخل في عين كل واحد من إياهم) .... إشمعني الموضوع ده عبارة عن خبر مر مرور الكرام؟ بالرغم من الأزمة الكبيرة قوي زي ما بيقولوا اللي مسمعناش عنها !!!!!
وجهت قيادتي الكنيستين الكاثوليكية و البروتستانتية، إنتقادات حادة للانبا بيشوي أسقف دمياط، وسكرتير المجمع المقدس ، لهجومه على المذاهب المسيحية غير الأرثوذكسية، التي وصفها بيشوي بأنها مذاهب "فاسدة"، وأتباعها"كفرة"، ولن يدخلوا ملكوت السماء.المصدر وباقي الخبر: في البلد
ولا سمعنا كلام عن إرهاب ولا تطرف... مجرد تعصب ولا سمعنا إن ماما أمريكا زعلانة
وبس كفاية كده
إستطراد على جنب.......
إشمعنى إحنا كمسلمين فضايحنا على عينك يا تاجر و اللي ما يشتري يتفرج!!!!!
بتقولوا من طيبة قلبنا ولا من غبائنا ؟؟؟؟ .... بتقولوا لاننا مش بنخبي اللي جوانا و نبين غيره زي ما غيرنا كتير بيعملوا؟؟ أكيد الموضوع مش كده ... لأن مثلا البوذيين في بلاد الكفرة مش بوشين ولا بيعادوا بعض وقلبهم طيب!!! و من غبائهم فاكرين البوذية دين... لكن مبيقعوش في أخطائنا.... و ده بكل بساطة لانهم قدروا يلتزموا بتعاليمهم و مش مشكلتي إنها أبسط من الإسلام ولا اسهل... هو مجرد إتجاه صاحبة مؤمن بيه و ملتزم ناحيته.... يا ترى كام واحد من الاديان التانية بيعمل بحق ربنا زي ما إتكتب في كتابه؟؟؟
هل ده يا ترى ليه دخل بتعاليم دينه ولا حاجة تانية؟
الخلاصة إن عقل ونفس البني آدم هما اللي بيحلوه يعمل الخطأ والنفس امارة بالسوء مش الدين.....
الخلاصة.... كفاية الكيل بمكيالين... والخبر بيقولنا إن مش المسلمين بس اللي بيتهموا الناس بالكفر بالرغم من إن الإتهام مصدره القرآن الكريم اللي هو كلام ربنا مش كلام مخترعينه يعني لما يتقال في المواقف الصح... مش مجرد رأي واحد زهقان من نفسه.... يبقى تلوموا المسلمين ليه؟؟؟
بس خلاص
ملحوظة:
ممكن اكون تشعبت في الموضوع كالمعتاد.... بس هي دي أنا
1 comment:
مين قال ؟ همه كمان مفضوحين جداً ومشاكلهم لها صدى دولي وحوار روبرت فيسك في احد الندوات قال ان كل ده بيخدم مصالح أمريكااللي بتدعمه
مشكلة بباوي مع البابا شنودة والأنبا بيشوي وغيرهم كانت مسمعة طول الفترة اللي فاتت وفتحت ملفات قديمة كان قليل لما حد يتكلم فيها ، وكان عجبني التحقيق اللي عمله محمد الباز في الفجر من اسبوعين عن الموضوع ده وسرد فيه تاريخ قيادات كنسية مقربة من البابا ، الانشقاقات الكتير داخل الكنيسة وبعديها الموضوع الاخير بتاع التكفير اللي اخر حاجة قرأتها عنه النهاردة ان في سي دي بتلاته جنيه بتتباع داخل الكنيسة فيها كلام التكفير ده
الخلاصة ... ان كل اللي بيحصل ده مش في مصلحة لا المسيحين ولا المسلمين والتدخل تحت اي ذريعة سهل طالما الابواب مفتوحة
اسف ع الاطالة
Post a Comment