كل عيدية و أنتم بخير

كوميديا

أنا كنت ناوية أكفي خيري شري في رمضان خلينا نعدي الشهر على خير
بس للأسف.....
بسبب خبر لم أستطع الوصول إليه في موقع في البلد
( إكتشفت إن الأخبار التي تخص المسيحيين بتنزل مانشيتات و فجأة بقدرة قادر يختفي جسم الجريمة و متعرفش تدخل على الموضوع)
ساقتني البحث عن الخبر إلى أن أصل لموقع كوميدي جدا

حسيت إن الناس فيه قاعدة على السطح مدلدلة رجليها و بتلعب سيجة و الهوا جامد حبتين فاتسطلوا و طلعوا يألفوا شوية مانشيتات كوميدية

ضحكت قوي لما قريت العنوان اللطيف ده : تصعيد الارهاب ضد الشعب القبطي !!!!!!
و ضحكت أكتر ما قريت ده : الرئيس مبارك يبدأ من النقطة الخطأ في جرائم خطف نصف مليون فتاة وسيدة مسيحية

كنت لقيت بالصدفة تسجيل صوتي لإجتماع كبار رجال الكنيسة في مصر للأسف مش عارفة ألاقيه تاني و كانوا بيتكلموا عن النقطة دي من بين كلام كتير
ملخص الكلام إنهم عارفين إن موضوع الخطف ده كلام بيطلعوه علشان يغطوا على هروب البنات أو إسلامهم
ده بمناسبة إن في خلال 200 سنةلو إستمر معدل إسلام المسيحيين بنفس المعدل الحالي هينقرضوا
وطبعا مفهومة ليه الدنيا بتقوم على واحدة أسلمت و مش بتقوم على الرجالة من منطلق إن دول اللي بيخلفوا
مش الرجالة ده غير إن الرجالة ميقدروش يتجوزوا مسلمات بعكس المسيحية تقدر تتجوز مسلم و ده بردو أمر بيشجعوه جدا على أمل تنصير الزوج أو على الأقل الحصول على أطفال مسيحيين بحكم إن الأم هي اللي بتربي

سؤال بقى بسيط جدا.......

هي الناس اللي مسمية نفسها أقباط من أجل الحرية دي هبلة ولا بتستعبط ولا الإتنين مع بعض!!!!!

ملحوظة .... الموضوع ليس للهجوم على المسيحيين و إنما لتوضيح أن التعصب الأعمى و الكلام الفارغ ليس حكرا على أحد

رمضان كريم

أتمنى نحاول كلنا نبقى مختلفين الشهر ده
نحاول نتقي ربنا... نغض البصر
نصوم بكل جوارحنا و نقدر نعم ربنا لينا و نبطل تذمر
أتمنى نقاطع المسخرة المدعوة باطلا بالخيم الرمضانية
و نبطل بحلقة في التليفزيون
و حاجة تانية يمكن تستغربوا ليها
وهي إن البنات تصلي في بيوتها أحسن و اكرم ليها و لا نسيتوا الحديث اللي خلاصته إن
" صلاتها في بيتها خير من صلاتها في المسجد "
متلزقوش في " لا تمنعوا إماء الله مساجد الله " لأن الأكيد مكانش المقصود بيها المهازل اللي بتحصل دلوقتي
يا ريت نبطل إسراف و اللقمة اللي زايدة عند حد الأفضل يحطها في فم المحتاج
يا ريت نبطل نميمة و إستهزاء بالناس
اللهم بلغنا رمضان

اللي عنده كلمة واقفة في زوره يقولها

مواضيع كتير فجأة بتدور في دماغي وبأجلها علشان اللي بيقرأوا مدونتي ياخدو وقتهم في التفكير في كل موضوع لكن الخبر اللي قريته حالا خلاني مقدرش أستنى

إحنا حالنا بقى خراب ... و شبابنا في حال ما يعلم بيه إلا ربنا و لو المشكلة البطالة أو الفقر فالموضوع هنا لا ينطبق عليه المشاكل دي بالعكس الوباء ده أصاب الشرائح القادرة على كل شيء في المجتمع العربي

وكلنا نعرف طبعا إن لما حاجة تنتشر في الطبقات القادرة أكيد هتلاقي اللي هيمشي وراها من غير القادرين علشان محدش يبقى أحسن من حد!!!
مقدرش أقول غير ... إيه القرف ده و ربنا يعدي اليومين اللي هنعيشهم في الدنيا على خير

ظاهرة سيئة بدأت بالأنتشار .. الشباب الدلوع رجال بملامح النساء والعكس

ناس و ناس

يوجد أناس أصحاب مبدأ لا يتخلون عنه حتى لو كان الثمن أن يكونوا ملوك الدنيا
وآخرين يتخلون عن كل مبادئهم لينالوا قطعة صغيرة من الدنيا

أناس يعلمون أن كل ما في هذه الدنيا لا قيمة له لأنهم لن يأخذوا معهم شيئا في حفرة متر ×مترين
وآخرين يبحثون عن حجة أو تلكيكة لتراجعوا إلى الوراء و مش مهم اللي جاي بعدين

إمرأة تخلت عن التعليم الجامعي... رفضت الرضوخ لقوانين الدنيا .. لأنها تؤمن تماما أنها الصح
وإمرأة اخرى تتخلى عن كل المباديء لأن ألف جنيه لا تكفيها للحياة و عايزة ألفين

تحياتي ل "خير النساء" زوجة الرئيس التركي المنتخب عبدالله جول التي لم تتخلى عن الحجاب إستجابة للقوانين لينتخب زوجها رئيسا و النتيجة كانت تأييد من الله و عقبال البلاد اللي في بالي
و أسفي الشديد على كل ممثلة تخلت عن الحجاب بعد إرتدائه و طلعت مش قد كلمتها بحجة إنها محتاجة فلوس....

لينكات:

تركيا. .حجاب "خير النساء" يغزو القصر الرئاسي

مطاعم فى مصر تمنع دخول المحجبات!!!

كلمة حكمة

جملة رائعة إستوقفتني في إحدى المنتديات و كانت توقيع لإحدى العضوات


*********
أجمل مافي حرية الانترنت أنها في غيبة الرقيب سوى الله جل في علاه تعطيك الفرصه لتعرف حصتك من النبل ونصيبك من الطهارة

*********

فهلا كنت يا سيدي رجلا نبيلا و كنت يا عزيزتي إمرأة طاهرة؟؟؟
أمنية لن تتحقق إلا قليلا

خبر مؤسف

إستكمالا للهجمة الشرسة ضد الإسلام ة الحجاب و الفنانات المعتزلات لارتداء الحجاب

الفنانة عبير صبري تخلع الحجاب بحثا عن فرصة عمل!!

أعلنت الفنانة المصرية عبير صبري أنها خلعت الحجاب بعد عدة سنوات من ارتدائه دون أي ضغوط من آخرين معتبرة أنه قرار يدخل في إطار مسئوليتها الشخصية ولا يجوز السؤال عن دوافعه وأكدت في حديث ... التفاصيل

للأسف شياطين الإنس مش هتستريح لحد ما الدنيا تخرب
الكلام اللي قالته عبير صبري ميدخلش العقل و معرفش إذا كانت دي أفكارها الشخصية
ولا إتعملها غسيل مخ من بعض من جندوا أنفسهم لمراجعة المتحجبات في قراراتهم
و على رأسهم الملعونة يسرا
والتي قالت في أحد الأحاديث الصحفية:
حنان ترك إتحجبت من ورايا و هي خسارة كبيرة للفن!!!
ملف الحديث الصحفي من هنا ...
pdf وهو بصيغة

حسبي الله و نعم الوكيل

تحديث...
أعتذر عن الخطأ الذي حدث مع لينك المقال
و يمكنكم الآن تحميل الملف من هنا

كلمة حق ... من إيميلي

دوس على الصورة لرؤيتها بالحجم الطبيعي

"كل أمتي معافى إلا المجاهرون"

كتير كنت بفكر ليه الناس مش راضية تاخد بالها
إيه يا ترى سبب رفضنا لكل ما يجد و يتعارض مع ديننا و تقاليدنا و إن كانت التقاليد تستبدل دائما فإن الدين لا بديل له
ليه الرسول عليه الصلاة و السلام لفت نظرنا للموضوع ده بحديثه " كل أمتي معافى إلا المجاهرون "؟
عليه الصلاة و السلام بوحي من الله سبحانه و تعالى أعلم بطبائع البشر

نبسط الأمور
كلما تعرفنا على عادة قبيحة كثر مرتكبيها
من لا يعلم يتعلم
من يوم ما ظهر الشذوذ مثلا في العالم من ايام قوم لوط عليه السلام لم ينتشر مثل هذا الإنتشار و لم يتبجح مرتكبوه إلا عندما بدأت الأفلام تظهر لتتناول هذا الامر بحجة معالجة القضية

من إمتى البنات بتبجح و الشباب بهذه النذالة... من ساعة ما ظهر من يطالب بحرية أكثر في التعبير

من إمتى ديننا لا يمارس إلا القشور منه... طبعا من ساعة ما ظهر الجهابذة الذين يقولون الدين ده علاقة شخصية بين العبد و ربه و محدش ليه دعوة بينا.. و ناسيين إن الامر بالمعروف و النهي عن المنكر واجب على كل مسلم

طبعا الامثلة كثيرة لكني لا احسن التعبير يا ريت تفيدوني برأيكم في الموضوع ده
لان جميع التغيرات في سلوكياتنا و احوالنا من وجهة نظري ظهرت بعد التمهيد ليها بالكلام او لنقل التبجح بيها

و أجدادنا زمان قالوها حكمة... الزن على الودان أشد من السحر

إستكمالا للمهزلة

إستكمالا للمهزلة... احب أبشركم بإن مستقبل بلدنا هيبقى إسود مش علشان حكومتنا اللي مش عاجباكوا ولا رئيسنا اللي إنتوا مش طايقينه ولا حتى علشان مسألة الورث و التكية و الدستور و كل الكلام الفاضي ده

مستقبلنا إسود مش علشان اللي فات ده كله... اللي فات ده كله بيحصل في كل بلد و أنا شخصيا مش شايفه إنه قضية تستاهل النقاش لأن أحوالنا أحسن من ناس كتير و مش معنى وجود الأحسن منا إننا لازم نوصله بأي شكل حتى لو بالنقد عمال على بطال بفهم أو بدون

إقرأوا الخبر ده علشان تعرفوا إننا بجد بنهول و علشان تعرفوا إنكوا بجد مش عاجبكم العجب ... شوفوا إنتوا عايشين إزاي ( بالمناسبة هي دي نفس طريقة عيشة الأمريكان اللي نفسكم توصلولها و مش واخدين بالكم إنكم فعلا وصلتولها!!!!)

مستقبل مصر إسود بجد
طالما عندنا أجيال من هذه النوعية:

معجبات تامر حسني في مدينة السويس المصرية ضربوه ومزقوا ملابسه !